ناهد السباعي تتحدث عن دورها في "السادة الأفاضل" وأمنيتها التي تحققت

حلّت الفنانة ناهد السباعي، مع صنّاع وأبطال فيلم "السادة الأفاضل" ضيوفاً على برنامج "الصورة"، الذي تقدّمه الإعلامية لميس الحديدي من مدينة الجونة على قناة "النهار"، حيث كشفت عن كواليس مشاركتها في الفيلم.

وقالت ناهد: "العمل جماعي، ومهما زادت مساحة الأدوار أو قلّت، الحكاية كلها متشابكة مع بعض صح، فضلاً عن أن عمر أهمية الدور ما كانت بمساحته، لكن بقيمته، الفيلم مش لفنان بعينه، لكنه عمل جماعي متميز، عبارة عن مجموعة من الفنانين متقابلين في عمل، وكل واحد ليه تأثير، ولو ماكنتش هأثر ماكنتش شاركت، فالدور مش بحجمه لكن بقدر تأثيره في تضفيرة العمل".

ناهد السباعي: العمل مع كريم الشناوي كان أمنية وتحققت

وأضافت ناهد: "من ضمن أمنياتي اللي تحققت في فيلم "السادة الأفاضل" هو إني أشتغل مع المخرج كريم الشناوي، لأنه بيحب الممثل وبيخلّيه يحس إن دوره أهم دور، وأنا ماحستش إن دوري صغير أو كبير، لأن الفيلم أحداثه بتجري في وقت قصير جداً، وبتدور في مكان واحد، فبالتالي مفيش حد دوره صغير أو كبير، لأن الأحداث كلها بتحصل في يوم واحد".

وأردفت ناهد السباعي بالقول: "الناس كلها بتشارك وبتسلّم لبعض، ومن أصعب أيام التصوير إننا كنا كلنا بنستلم من بعض ونسلّم لبعض، حد داخل وحد خارج، وكنت سعيدة بكمية الفنانين، دخلنا البروفة وشوفنا بعض، جالنا حالة انبهار وكنا بنقول لبعض: إيه ده إنت معانا إحنا مع بعض".

مقالات ذات صلة

ياسمين صبري تتألق بفستان بسيط يبرز أناقتها

ريم سامي تطمئن الجميع على حالة طفلها بعد سقوطه على رأسه

ناهد السباعي السادة الأفاضل برنامج الصورة لميس الحديدي الأدوار كريم الشناوي فنانين نجوم الفن مشاهير الفن