بسنت شوقي توجّه رسالة قاسية الى المتنمّرين

شنّت الفنانة بسنت شوقي هجوماً عنيفاً على الأشخاص الذين يتنمّرون على المرضى مستخدمين أدعية تحمل في ظاهرها الدعاء لأنفسهم وفي باطنها نوعاً من التنمّر على المرضى.

وأثارت بسنت جدلاً واسعاً عبر مواقع التواصل الاجتماعي؛ بمنشور على حسابها الخاص في "فيسبوك" انتقدت فيه بقسوة بعض مستخدمي جملة "الحمد لله الذي عافانا" على السوشيال ميديا بطريقة اعتبرتها سخرية من الآخرين.

وكتبت بسنت قائلة: "شوف يا مؤمن، من دون كل الكومنتات اللي الواحد بيقراها على السوشيال ميديا، أكتر واحدة صعبة بالنسبة لي هي: (الحمد لله الذي عافانا)، وبتبقى بعدها في أغلب الوقت الإيموجي ده"... ووضعت بجانبها "إيموجي" ضحك.

وتابعت: "ليه بقى؟ عشان يا حبيبي أو يا حبيبتي، أنت مش فاهم دينك خالص وجاي تتنطط على خلق الله، أنت مش حقيقي بتحمد ربنا، أنت بتتريق على الغير، والنبرة بتاعتك ونيتك ريحتهم فايحة".

وأضافت بسنت شوقي مستشهدةً بآيات من القرآن الكريم: "ربنا بيقول: (يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ)، وبيقول كمان: (فَلَا تُزَكُّوا أَنفُسَكُمْ ۖ هُوَ أَعْلَمُ بِمَنِ اتَّقَى)".

وأكملت بسنت منشورها بالقول: "عدم الابتلاء أو القرب من ربّنا ده فضل من الله مش مجهود من حضرتك، فملكش تاخد credit عليه، ولو نيتك فعلاً إنك تحمد ربنا، قولها بينك وبين نفسك، مش تروح تقولها في وش حد مبتلى أو مختلف".

بسنت شوقي تكشف موقفها من الشائعات

كانت بسنت شوقي قد كشفت موقفها من الشائعات، وذلك بعد انتشار أخبار حول حملها وانتظارها هي وزوجها الفنان محمد فراج أول أبنائهما.

وقالت بسنت في فيديو على "إنستغرام": "أنا مش بردّ على الإشاعات خالص، بس لقيت الموضوع بيكبر أوي أوي، وأنا لغاية النهارده جالي أكتر من 5 آلاف رسالة، سواء شخصية أو من الشغل بيباركوا لي وكده، وأنا حسيت إني لازم أطلع وأقول، أنا مش حامل وكل اللي حصل إني نزّلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقى لي فترة قاعدة بقول أنا مش قادرة أستغني عن البينك، فالناس توقعت إني حامل في بنت".

وأضافت: "بس والله العظيم أنا مش حامل، ولو أنا حامل، مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل النهارده".