آمال ماهر تكشف سبب إصرارها على المشاركة في الحفلات الخيرية (فيديو)

حلّت الفنانة آمال ماهر ضيفةً على برنامج "الصورة" الذي تقدّمه الإعلامية لميس الحديدي على قناة "النهار"، في حلقة خاصة على هامش الحفل الذي أحيته في قصر عابدين دعماً لمرضى الكبد.

وكشفت آمال للمرة الأولى عن مأساة وفاة والدها، إذ أكدت أن والدها كان يحتاج لزراعة كبد ولكن لم يسعفهم الوقت لإنقاذه، فرحل متأثّراً بمرضه، وأنها منذ وفاته اتخذت قراراً بالمشاركة في الحفلات الخيرية، حتى تساعد كل من يحتاج لتقديم العون.

وقالت آمال ماهر: "أزمة مرض والدي كانت تجربة صعبة، مكنتش عارفة أعمل إيه، كان محتاج زراعة كبد لكن الوقت كان فات، ومن وقتها قررت أشارك في الحفلات الخيرية لأن نفسي لو بنسبة بسيطة أساعد الحالات اللي زي كده بأي شكل، وأنا لا أملك غير صوتي، مش ببص لكل الحفلات الكبيرة ببص بس للي هقدر أعمله، واللي أقدر أقدمه، أني أساهم بصوتي، ولو فيه أكتر أقدر أساعد بيه مش هتأخر".

آمال ماهر تكشف أسباب زيارتها للأطفال المرضى

وعن زيارتها للأطفال المصابين بأمراض القلب والكبد، قالت آمال ماهر: "زرت أطفال عاملين عمليات زراعة قلب وكبد، كنت عايزة أقولّهم أنتم صغّرتوا حاجات كتيرة في الدنيا قدامي، وقد إيه أنتم أبطال، ولازم الإنسان يخجل من نفسه لما يقول أنا متضايق، أنا شفتهم أقوياء وحسّيت بسعادة كبيرة وأنا وسطهم، وإني أكون سبب ابتسامة بسيطة ده عمل متميز".

شارك