سامو زين يتحدث عن الحب والزواج ويكشف سرًا خطرًا عن وفاة والده (فيديو)

حل الفنان سامو زين، ضيفًا على الإعلامية ياسمين عز، في برنامجها "كلام الناس" الذي تقدمه عبر قناة mbc مصر، حيث كشف عن العديد من أسرار حياته الشخصية مفجرًا مفاجأة عن أسرع زيجة في حياته والتي لم تستمر سوى ثلاثة أيام، معلنًا عن سر خطر حول وفاة والده مؤكداً أنه تم قتله من قبل الجيران.

قال سامو زين، عن أسرع زيجة في حياته والتي تمت خلال فترة دراسته بالجامعة: "كنت صغير لسه، وكنت في الجامعة في لندن وكنت باخد قرار سريع وعندي فرط حركة.. الجوازة دي استمرت ثلاثة أيام".

وحول الانفصال، قال: "أنا من النوع المتفاهم جدًا، بحب التفاهم، بحب حتى الانفصال يكون بطريقة جميلة، زي البدايات.. ما بوصلش لمرحلة إنه يكون فيه انفجار أو مشاكل.. عشان كده بتلاقي حتى لو انفصلت علاقتي بتبقى جميلة مع الشخص اللي كنت مرتبط بيه".

وعن رحيل والده فجّر سامو مفاجأة قائلاً: "جابوا تحاليل لوالدي إنه مصاب بالسرطان، وأنا كنت بقالي سنين ما نزلتش سوريا فحصل اللي حصل معايا.. بعد التحقيقات كنا عايزين نعرف إيه أسباب الوفاة يعني، فلقينا الدواء اللي كان بياخده كان مخلوط فيه حاجات". متابعاً: "اكتشفنا إن الموضوع ده وراه جيران إحنا كنا معيشينه عندهم، وبعدين اختفوا".

سامو زين يتحدث عن دور الرجل مع المرأة

وتحدث سامو زين، عن المرأة والرجل، وقال: "كل حاجة في المرأة تتعشق، هي بتكمل الرجل في كل حاجة، بتكمل له حياته كلها، بتملأ له الفراغات، بتملأ له الكلمات المتقطعة عند حياته، مهما كان برضو الراجل عنده مشاكل، زي ما الست عندها مشاكل، وهم اللي بيكملوا بعض".

وتابع: "الست هي عبارة عن الحب والونس والجمال والذكاء والتكامل، حاجات كتير قوي مجموعة مش موجودة في أي حاجة في الدنيا غير في الست، من غيرها مفيش رجل أصلاً".

وحول دور الرجل مع المرأة، قال سامو زين: "دور الرجل يتحب، لو هو فعلاً بيعمل اللي عليه فهو يتحب، لو هو ما بيعملش اللي عليه ما يتحبش"، لتعرب ياسمين عز، عن إعجابها بكلام سامو، قائلة له: "الله.. حبيت، فهو فعلاً هو يقعد كده ويتحب بس، كتر خيره".

شارك