أحمد عبد الحميد يعلّق على وفاة ابنته ووالده في أسبوعين بكلمات حزينة

لم تكد تمر أيام قليلة على وفاة والده الماكيير الشهير محمد عبد الحميد، حتى فجع الموت الفنان الشاب أحمد عبد الحميد بوفاة ابنته في صدمة جديدة عبر فيها عن حزنه الكبير بسبب فقدانه والده وابنته في أسبوعين فقط.

وكتب أحمد عبد الحميد عبر حسابه الرسمي على موقع "فيسبوك" كلمات حزينة خرجت من القلب قال فيها: "أنا مش عارف ربنا بيحبني ولا مش بيحبني عشان ياخد مني أبويا وبنتي في أسبوعين، الله جاب والله خد والله عليه العوض.. بنتي ملاك عند ربنا وجنب أبويا.. أنا مش هقدر حد يكلمني ولا يعزيني وأنا شوية وهبقى كويس إن شاء الله".

أحمد عبد الحميد ينعى والده الماكيير محمد عبد الحميد

كان أحمد عبد الحميد قد استعاد ذكرى آخر عيد ميلاد جمعه بوالده الماكيير الراحل محمد عبد الحميد، مؤكدًا أنه شعر حينها بأنه اللقاء الأخير، رغم عدم إدراكهما لما سيحمله القدر.

وكتب أحمد عبد الحميد عبر حسابه بموقع التواصل الاجتماعي "فيسبوك": "الصورة دي من آخر عيد ميلاد ليك.. وأنا بتصورها معاك كان قلبي بيقولي ده آخر عيد ميلاد ليك وآخر مرة هقدر أفرحك.. بس ولا أنا ولا أنت كنا عارفين إن فرحك جاي وإن ربنا هيرزقك البداية الأبدية في جنته إن شاء الله بوجه مستبشر كده زي ما كل اللي ودعوك شافوه.. كنت آخر سنين تقولي أنا اتنسيت خلاص يا أحمد ولما أقولك فلان بيقولى سلملي على "الأستاذ" تقولي ياااه فيه الخير الحمدلله إنه لسة فاكرني أو لسة فاكراني.. لو شفت حب الناس ليك بعد ما مشيت سواء في خارجتك أو في عزاك أو حتى على صفحاتهم هتعرف قد إيه أنت كنت عظيم وهتفضل تاريخ وهتفضل سيرتك حلوة وساترنا طول ما إحنا عايشين".

وتابع أحمد عبد الحميد: "بس أنا عارف إن كل ده ولا يشغلك دلوقتي يا عم وأنت منعم في جنة الرحمن مع حبايبك كلهم وهو ده عزائي الوحيد ربنا يرحمك يا أطيب قلب وأحسن أب ويجعلني خير خلف ليك وأفضل محافظ على اسمك وسيرتك وأخلاقك اللى سايبها فى قلوب الناس… أشوفك على خير يا حمادة".

يُذكر أن أحمد عبد الحميد عًرض له خلال الفترة الأخيرة مسلسل "ابن النادي" والذي شارك البطولة فيه بجوار أحمد فهمي وحاتم صلاح وآية سماحة وسيد رجب وسينتيا خليفة، وغيرهم من الفنانين.

مقالات ذات صلة

لبلبة تعلن عن قصة حب عاشتها أخيراً (فيديو)

عمرو سعد يعلن عن خوضه تجربة درامية استثنائية في رمضان المقبل

أحمد عبد الحميد محمد عبد الحميد ابن النادي أحمد فهمي حاتم صلاح سيد رجب