تامر حسني يدعم ابنة ممدوح عبد العليم في ذكرى رحيل والدها

وجّه الفنان تامر حسني، عبر خاصية القصص المصورة الملحقة على حسابه الخاص بـ"إنستغرام" رسالة مؤثرة الى هنا، ابنة الفنان الراحل ممدوح عبد العليم، وذلك دعماً لها في ذكرى وفاة والدها، معربًا عن حبه وتقديره الكبيرين له.

ونشر تامر فيديو اعدته هنا في ذكرى رحيل والدها جمعت فيه عدداً من اللقطات لها مع والدها في مراحل عمرية مختلفة، وعلّق تامر على الفيديو قائلاً: "الفيديو ده أثر فيا أوي، هنا ممدوح عبد العليم نجلة الفنان الراحل العبقري ممدوح عبد العليم، ربنا يرحمه يا هنا، ويحسن إليه، ويرفع من قدره.. بابا في مكان أحسن بمليار مرة من اللي إحنا فيه.. شدي حيلك وخليكي قوية، وادعِي له دايمًا".

وأكمل تامر رسالته قائلاً: "وخلي بالك بابا يبقى حبيب الملايين، وأنا واحد من اللي بيعشقوه.. ربنا يوفقك يا حبيبتي ويحفظك، وكل حياتك تعيشي رافعة راسه هو وماما".

منشور تامر حسني

تامر حسني يوصي متابعيه بعدم إضاعة الوقت في ما لا يستحق

كان تامر حسني قد وجّه عبر حسابه الخاص في "إنستغرام" رسالة قوية لجمهوره، عن قيمة الوقت والعمر، مؤكداً أن حياة الإنسان ما هي إلا عدد محدود من دقّات القلب يجب الحفاظ عليها وعدم إهدارها في الزعل أو المشكلات غير المفيدة.

وقال تامر في منشوره: "صباح الورد حبايبي، سمعت تحليل عظيم أحبّ أنقلهلكم جايز يفيدكم بس ركّزوا فيه جداااااااااااااااااً".

وأضاف: "ربنا سبحانه وتعالى بيخلقك ويدّيك هدية، هي 5 مليار دقة قلب مثلاً لو هتعيش 75 سنة أو 80، شوف بقى، تقريباً إنت ضيّعت منهم 2 مليار ونص خلاص، فتيجي بعد شوية تقول لنفسك: إيه ده؟ هل المواقف اللي عشتها دي كانت مستاهلة أضيّع عليها من عمري كل الدقات دي؟".

وتابع: "فإنتَ أو إنتِ من دلوقتي قول لنفسك هل القصة دي، أو الزعل ده، أو المشكلة دي، هتاخد من حياتي مثلاً 20 ألف دقة قلب؟ هل تستاهل؟... المقصود إنك ما تضيّعش عمرك ودقّات قلبك على حاجات ما تستاهلش، لأن الدقات اللي بتروح ما بترجعش تاني".