رامي إمام يتحدث عن موقف عادل إمام بعد تشاجرهما في المسرح (فيديو)

حل المخرج رامي إمام، ضيفًا على برنامج "فضفضت أوي"، الذي يقدمه المخرج معتز التوني، على منصة "Watch it"، حيث كشف فيه عن أول مشاجرة بينه وبين والده بسبب عملهما معاً في مسرحية "بودي غارد"، ورد فعل والده الغريب على تصرفه معه.

قال رامي إمام خلال الحلقة: "وأنا بعمل مسرحية بودي جارد مع والدي، اتخانقنا كان أول تعاون فني بيننا، ودي كانت أول مرة نتخانق، وعرفنا يعني إيه يبقى فيه اتنين في بيت واحد ممثل ومخرج، كنت 25 سنة وقتها".

وأضاف: "كان عليا مسؤولية كبيرة، كنت قليل الخبرة ومتوتر، وبخرج مسرحية لعادل إمام، وعايزه ينفذ رؤيتي، يعني تخيل عادل إمام بتاريخه الكبير، أنا زعقت وقولت له تعمل اللي بقوله ورميت الاسكريبت".

رامي إمام: فوجئت برد فعل عادل إمام في المنزل

وتابع: "بعدها لقيت ثورة عارمة من عادل إمام، ومكنتش مستوعب وقتها اللي عملته، هو لغى البروفة، ورجع على البيت، ولما روحت لقيت أمي مستنياني على الباب، بتقولي أنت عملت له إيه هو عايزك جوه، لما دخلت له وشوفته لقيت زعيق هستيري وبعدها فيه هدوء غريب".

شارك