لقاء الخميسي تسامح زوجها وتوجّه رسالة مؤثرة الى النساء

أثارت النجمة لقاء الخميسي حالة من الجدل حول أول تعليق لها بعد الضجة الذي رافقت حياتها الزوجية عقب الكشف عن ارتباط زوجها حارس مرمى الزمالك السابق محمد عبد المنصف بسيدة أخرى وبشكل سرّي لأكثر من 7 سنوات.

وشاركت النجمة المصريه متابعيها على "إنستغرام" فيديو يضمّ مجموعة صور جمعتها مع زوجها وابنيها من مناسبات وأماكن مختلفة، وأرفقت الصور بتعليق كشفت من خلاله موقفها وردّها على خيانة زوجها لها مع الفنانة إيمان الزيدي، حيث قالت: "الدنيا يتختيرنا دائماً وأبداً، أيام بتسعدنا وأيام بتبعدنا وتزعّلنا وتجرحنا، وبنتوه مع نفسنا، الحكمة بتظهر من قلب الحزن، وبنقعد نفكر إيه الصح وإيه الغلط وهل اللي عدّينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط! وفي ناس بتغلط وبترجع لحكمتها وبتندم وتصحح الخطأ".

وأضافت: "خطائين وخير الخطائين التوابين، ما فيش حد ما بيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح، شكراً من قلبي لكل إنسان دعمني ووقف جنبي وطبطب عليا، وشكراً لكل أصدقائي المقربين اللي وقفوا جنبي وكل مَن دعمني من أصدقاء السوشيال ميديا اللي نوّروا حياتي بالمحبة وطبطب على قلبي ودعالي دعوة حلوة".

رسالة لقاء الخميسي الى السيدات

واختتمت لقاء الخميسي التعليق على الصور برسالة مؤثرة وجّهتها الى النساء قائلةً: "آخر حاجة هقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، كلنا بنغلط، وبنندم ونرجع لصوابنا... ونرجع ببداية جديدة مليانة شغف وحب وسلام وراحة بال. لكل ست وربّة منزل، حافظي على بيتك وعيلتك بكل قواكي وأوعي تدّي الفرصة لأي إنسان إنه يهدم بيت العيلة".

مقالات ذات صلة

لقاء الخميسي تتحدث عن بدايات جديدة وتعيد جدل مشكلتها مع زوجها

داليا مصطفى: لا أستطيع العيش بلا حب (فيديو)

لقاء الخميسي محمد عبد المنصف إيمان الزيدي خيانة حد ما بيغلطش أسرة ربة منزل أولاد سلام