أسما شريف منير تتحدث عن أصعب فترة مرت بها

نشرت الفنانة أسما شريف منير عبر حسابها الخاص في "إنستغرام" مجموعة صور جديدة، كشفت من خلالها عن مرورها بأزمات عدة خلال الفترة الماضية، وعلّقت على ذلك بالظنّ أن التزامها هو السبب.

وعلّقت أسما على الصور قائلةً: "الفترة اللي فاتت كانت صعبة، كان فيها کرب رزق واقف، وشكوك بتتسلل لعقلي. الشيطان حاول يقنعني إن التزامي هو سبب المشاكل. حسّيت بضغط من كل ناحية، حتى من أقرب الناس ليا خذلوني. بدأت أشك في إيماني. لكن لما رجعت لربّنا فهمت إن الابتلاء هو جزء من طريق المؤمن، الأنبياء نفسهم اتعرضوا لاختبارات، وده كان دليل على قربهم من ربّنا".

وأضافت: "ربنا صفّى لي رؤيتي بشكل أنا نفسي مكنتش متخيّلة إني محتاجاه، بقيت أشوف الناس على حقيقتها مش على اللي كنت بتمنى يبقوا عليه، ولا على الكلام الحلو اللي بيتقال، ولا على النسخة اللي كنت ببررها في دماغي عشان ما أخسرش حد بدأت أفهم مين بيحبني بصدق ومين كان موجود بس عشان أنا "مفيدة". مين بيظهر وقت الجد حتى لو ده هيكلفه ومين بيختفي أول ما الموضوع يحتاج منه مجهود، أو التزام، أو مجرد احترام".

View this post on Instagram

A post shared by 𝘼𝙨𝙢𝙖 c𝙝𝙚𝙧𝙞𝙛 𝙢𝙤𝙣𝙚𝙚𝙧 - اسما شريف منير (@asma.sherif.moneer)

أسما شريف منير: عرفت أن مَن تطاوعهم الدنيا ليسوا دائماً على حق

واستكملت أسما منشورها قائلةً: "عرفت إن اللي بيبان إن الدنيا ماشية معاهم كويس مش دايماً على حق. وبدأت أشوف علامات إن الناس اللي حواليا بيدعولي، وإن ربنا بيطبطب عليّ".

واختتمت أسما شريف منير منشورها قائلةً: "مع العسر يسر، حتى لو الوجع لسه موجود. أنا دلوقتي فاهمة إننا أحياناً بننسى إن الدنيا مش الهدف الحقيقي، المهم هو الآخرة، هو اختبار صبرنا... اللي عايزة أقوله لو بتعدوا بوقت صعب، اعرفوا إن ربنا لسه عايزكم لو الدنيا وردي طول الوقت اقلقوا المهم، رجوعنا لربّنا صبرنا، وتسليمنا. الحمد لله دائماً وأبداً... إذا شفتوا كلامي، ادعولي".

مقالات ذات صلة

إيمان تكشف سبب اختفائها وترد على أخبار اعتزالها

جوري بكر تخضع لجراحة عاجلة

أسما شريف منير إيمان