مروة عبد المنعم تسأل متابعيها مساعدتها بعد سرقة حسابها البنكي

29 كانون الثاني 2026 | القاهرة – "لها"

مروة عبد المنعم

الفنانة مروة عبد المنعم

نشرت الفنانة مروة عبد المنعم عبر حسابها الخاص في "فيسبوك" منشوراً أعلنت من خلاله عن سرقة حسابها البنكي، مشيرةً الى أن مبلغاً مالياً سُحب من حسابها المصرفي رغم عدم تلقيها رسالة تأكيد من البنك.

وطلبت مروة من متابعيها في المنشور مساعدتها وتقديم النصيحة لها حول كيفية استرداد هذا المبلغ، قائلةً: "أنا في مشكلة ومحتاجة أهل الخبرة يفيدوني... أنا دلوقتي اتعرضت لعمليه سرقة... اكتشفت إن فيه حد سحب مبلغ كبير من فيزا المشتريات بتاعتي... والغريب إن الفيزا معايا... واتفاجئت بالبنك بيتصل بيا بيسألني لو عايزة أقسط المبلغ اللي اتسحب... قلتله أنا ماسحبتش حاجة... أكدلي إن فيه مبلغ اتسحب من الفيزا... فعملت شكوى ووقفت الكارت".

وأضافت: "دلوقتي المفروض أعمل إيه عشان أعرف عملية السرقة دي حصلت إزاي؟ وإزاي ممكن حاجة زي دي تحصل والكارت معايا ومافيش حتى otp جالي؟ البنك عايزني أسدّد المبلغ وأنا عايزة أثبت إني ماسحبتش المبلغ ده... حد يفهّمني إيه الإجراء اللي ممكن أعمله؟".

مروة عبد المنعم تثير الجدل بحديثها عن تعرّضها للنَّصب

كانت مروة عبد المنعم قد كشفت خلال حلولها ضيفةً على برنامج "قعدة ستات" الذي تقدّمه الإعلامية مروة صبري على قناة "ألفا"، عن تعرّضها للنَّصب من مهندس ديكور، حيث قالت: "كنت عايشة في شقة إيجار وكان لازم أمشي خلال شهرين علشان رفعوا الإيجار أوي، وكان عندي شقة على المحارة ومكنش معايا فلوس أخلصها، وكان في مهندس ديكور عاملّي حاجات غلط فجبت مهندس غيره وقولته الغلط ده نشيله ونبدأ من جديد ومكنش معايا غير مبلغ صغير، وقولتله كل ما تشتغل هدّيلك فلوس، هو اشتغل على الغلط والفلوس اللي خدها محاسبش الصنايعية ومعمليش حتى الأبواب، وقعدت في شقة من غير سقف ولا باب، وكنت بقولهم أنا عايزة أعيش، ولقيت في مبلغ كبير أوي عليا واضطريت آخد قرض علشان أسدّد".

وأضافت: "أنا معنديش راجل أتسند عليه، واللي عندي هيخاف أقوله أنا عايزة فلوس، والناس خبطت عليَّ قالولي الحمّام بينقّط، قولتلهم قسماً بالله ما هعمل حاجة، حسبي الله ونِعم الوكيل، عشان شايفين إني لوحدي مفيش حد هيقدر عليهم".