أمير المصري يكشف تفاصيل فيلمه الجديد ونصيحة نجم سلسلة "جيمس بوند" له (فيديو)

حل الفنان أمير المصري ضيفاً على الإعلامية إنجي علي، حلقة من برنامجها "أسرار النجوم"، الذي تقدمه على إذاعة "نجوم إف إم"، حيث تحدث، عن كواليس تقديمه فيلم "Giant" مع النجم العالمي بيرس بروسنان، بطل سلسلة أفلام "جيمس بوند" في بداية الألفينيات.

قال أمير المصري: "بيرس بروسنان راجل شبعان وعمل كل حاجة في الحياة، ومتواضع في نفس الوقت، وكنت متضايق لما تصوير فيلم giant وقف عشان أنا أُصبت، ووقتها هو نصحني".

وأضاف: "حكالي وقت لما أُصيب في كواليس جيمس بوند، وقالي لو مكملتش بعد إصابتك محدش هيسأل فيك، أهم حاجة صحتك وأسرتك، وفضل معايا في التصوير كله لحد ما الفيلم خلص، وكنت قلقان لما عرفت إنه هيبقى في الفيلم".

وتابع: "كنت خايف من إنه هيكون مغرور، بس طلع غير كده وإنسان جميل، آخر مشهد في فيلم giant بكيت لما قرأته، وهو اللي خلاني عايز أعمل الفيلم".

أمير المصري يكشف موقفه من الزواج والحب

كان أمير المصري قد كشف عن موقفه من الزواج في الفترة الحالية، موضحاً أنه لم يرتبط بعد، ولكنه يتمنى أن يكوّن أسرة، وليس بالضرورة أن تكون شريكته من الوسط الفني.

وقال المصري: "أنا بحب الحب ونفسي أعمل أسرة، ومش لازم شريكتي تكون من الوسط الفني، اللي يهمّني في شريكتي تكون إنسانة متفاهمة، ولما ييجي مني أنا خبر الارتباط يبقى هو ده الخبر الأساسي، أي حاجة تانية دي شائعات".

وأضاف: "أنا أحب احترام الإنسانة التي سأرتبط بها إن شاء الله، أحب إن أنا اللي أوصل الرسالة الأول مش أي حد تاني، مش شرط المهنة، أكتر حاجة إن إحنا نكون متفاهمين مع بعض، حتى لو في نفس المجال ممكن ما يكونش فيه تفاهم".

مقالات ذات صلة

ليلى علوي تدعم نيللي كريم وأمير المصري بعد عرض فيلمهما "القصص"

أميرة أديب تتحدث عن الاكتئاب وتفكيرها في اعتزال الفن (فيديو)

أمير المصري جيمس بوند بيرس بروسنان