أحمد زاهر يكشف تفاصيل صادمة عن خطوة الانتحار!

06 شباط 2026 | القاهرة – "لها"

أحمد زاهر

كشف الفنان أحمد زاهر، عن تفاصيل جديدة ومثيرة عن فترة مرضه التي ابتعد خلالها عن الوسط الفني لمدة ثلاث سنوات، حيث تحدث عن تفكيره في الانتحار، موضحًا أنه كان النجم الشاب الأول قبل غيابه ومن ثم عاد ليبدأ مشواره من جديد عقب شفائه.

قال أحمد زاهر، في ندوة صحافية لتكريمه: "لما رجعت من فترة المرض، رجعت بأدوار صغيرة لا تليق بي ولا بقيمتي ولا حجمي ولا اسمي، ورجعت وبدأت أطلع تاني السلم".

وتابع: "أبعدني المرض 3 سنين ورجعت من تحت ومقولتش إزاي وحرام وأنا وأنا، ومشيت في الطريق لغاية لما رجعت، وقت المرض فكرت أسيب الدنيا مش التمثيل بس، وعدم شغلي كان مموتني وأنا اللي كنت بعتذر بنفسي لأني مش عايز أظهر بالمنظر ده".

أحمد زاهر: تأثرت بعد انتقادي في مشهد مع عادل إمام

وعن بداية مرضه قال زاهر: "في بداية المرض طلعت مع عادل إمام في مشهد وكان جسمي بدأ يزيد، والنقاد طلعوا وقالوا إزاي؟، يعني إيه إزاي؟، ده كان قاسي جدًا وضايقني وبعد كده تضخمت عن الشكل ده مرة، وده مش بإيدي ده من ربنا".

وتابع: "دي كانت أسوأ فترة في حياتي، ولما رجعت بدأت من البداية، وقبل ما أختفي كنت بطل شاب أول والأدوار بتجيلي الأول واللي اعتذر عنه بيروح لحد تاني، ولما رجعت بدأت أنزل تحت ناس كانت بتقولي يا أستاذ ومزعلتش ومتضايقتش".

يُذكر أن أحمد زاهر، حقق نجاحًا كبيرًا من خلال آخر أعماله الدرامية "لعبة وقلبت بجد"، ويشارك في العمل كل من: رحمة أحمد، وعمر الشناوي، وحجاج عبدالعظيم، بالإضافة الى بعض الفنانين، والعمل من إخراج حاتم متولي.