نجلاء بدر تتحدث عن التحرش بعد واقعة "فتاة الأتوبيس"

علّقت الفنانة نجلاء بدر على واقعة "فتاة الأتوبيس"، والتي شغلت الشارع المصري بعد أن اتّهمت شاباً بالتحرش بها، لافتةً الى أن كثيراً من الفتيات يتعرضن لمثل هذه المواقف لكن لا يتحدّثن عنها، واصفةً المتحرشين باللصوص.

وكتبت نجلاء بدر منشوراً، عبر حسابها الخاص في "فيسبوك" قالت فيه: "عارف ليه دفاع الكل عن البنت بالرغم من عدم إثبات الواقعة اللي صعب إثباتها، لأن كتير مننا تعرض لكم هائل من التحرش اللفظي والجسدي والمرئي ومعرفناش نثبته، لأن المتحرش مش بيتحرش تحرش مرئي للكل، لأنه مغتصب وحرامي زي النشّال بيسرق بخفة يد علشان ماحدّش يشوفة ولا يحس بيه ولا تقدر تثبت عليه التهمة".

نجلاء بدر توجّه رسالة قاسية الى الشباب

ووجّهت نجلاء رسالة قاسية الى كل شاب له أخت أو بنت، قالت فيها: "كلمة في الودن كفيلة ببث الرعب في قلوب البنات والنساء، ملامسة الجسد بحركة سريعة أو احتكاك كفيلة بحالة اختراق وتحرش جسدي كامل، إسأل مامتك أو أختك أو بنتك وأنت تعرف اللي صعب تفهمه، أو عيش عبيط وماتعرفش إن ناس كتير هتكت عرض بيتك وعايشين حواليك وأهل بيتك للأسف معرفوش يثبتوا عارف بنقول حرامي الأول ليه!، علشان الناس ترضى تمسكه لأن لو قولنا متحرش ماحدّش بيرضى يمسكه وكأنه عادي حصل إيه يعني، زي ما شوفنا بالظبط كده، إبتسامة الولد الباردة المُتبجّحة هي بالنسبالنا ورّيني ها تثبتي إزاي إني اتحرشت بيكي؟".

شارك