فريدة سيف النصر تنتقد مشاهد في مسلسل "وننسى اللي كان"

نشرت الفنانة فريدة سيف النصر عبر حسابها الخاص في "فيسبوك" منشوراً انتقدت فيه بعض مشاهد مسلسل "وننسى اللي كان" للفنانة ياسمين عبد العزيز، والذي يُعرض خلال موسم دراما رمضان الحالي، مشيرةً الى تضمّنه ما وصفته بأخطاء درامية تتعلق بطريقة تقديم بعض العلاقات داخل الأحداث، مستنكرةً بعض الأفكار والتفاصيل التي وردت في المسلسل إذ رأت أنها تتعارض مع طبيعة مجتمعنا المصري، إضافة الى مسلسل "كان يا مكان" لماجد الكدواني، مؤكدةً أن صنّاع الأعمال الدرامية يتحمّلون مسؤولية كبيرة في ما يُعرض على شاشة التلفزيون.

وقالت فريدة سيف النصر في المنشور: "لا حول ولا قوة الا بالله... مش عايزة أتكلم بس ما قدرتش... يا جماعة ما ينفعش أجيب مثلاً أمن أو سوّاق مع بنتي يحافظ عليها وألاقي الأمن داخل غراميات مع اللي بيحرسها وبنتها عند أبوها وسوّاقها بيزعق لها وغيران".

وأضافت: "يعني بتفهموا اللي بيشتغلوا يعملوا إيه بالظبط، آه كلنا ولاد تسعة بس كده غلط إحنا بنفتح عينين على حاجات تودّي في داهية، نمشي الناس اللي جايبينهم ونجيب ستات ولا نهبّب إيه ده كلام والمفروض البنت تصارح أهلها وماتسمحلوش يكلّمها كده".

فريدة سيف النصر: "إحنا هنخيب ولا إيه؟"

وتابعت سيف النصر في منشورها: "هو المفروض جاي يبلّغ أبوها بأي حاجة... إحنا ها نخيب ولا إيه؟... طبعاً الكلام ده تمثيل في مسلسل أنا شخصياً بحبه وبحب نجمته جداً ومؤلفه وكلهم بس برضه مش كده إحنا مش أجانب وأنا كأم ولي حفيدتين ما ينفعش يلاقوا ده عادي علاقات وصداقة مع غارد أو سوّاق وغيره وحب وإيه الكلام الفاضي ده؟".

واختتمت فريدة سيف النصر منشورها قائلةً: "اللي عندنا بيقلّدوا هوا الوحش قبل الكويس... ربّنا يستر على ولادنا والله ونرجع نلوم على السوّاقين... ياريت ماحدّش يزعل من صراحتي... وأنا مش عنصرية لكن مش لازم ننسى إن في أصول... ملحوظة... كمان فكرة المساكنة عند الكدواني قوّمتني من على الكنبة قفزاً والله... هاكتبها لوحدها".

مقالات ذات صلة

ياسمين عبد العزيز: لازم أحافظ على تصدُّر "وننسى اللي كان" عالمياً

بشرى تعلّق على مشكلة الأكثر مشاهدةً وتقترح حلّاً لها

فريدة سيف النصر ياسمين عبد العزيز وننسى اللي كان دراما رمضان مسلسل كان يا مكان ماجد الكدوانى