إيرينا يسري تحرر محضراً ضد معجب هدّد كل مَن يقترب منها

نشرت ملكة جمال مصر السابقة، الفنانة إيرينا يسري، عبر حسابها الخاص في "إنستغرام" بيان استغاثة من معجب يطاردها في كل مكان تتواجد فيه، بعد ظهورها في مسلسل "كلهم بيحبوا مودي"، حيث طالبت الفنانة الجهات المختصة بحمايتها من الخطر التي تواجهه بشكل يومي.

وكتبت إيرينا في منشورها: "أنا حياتي في خطر، أنا أول مرة في حياتي أكتب حاجة بالشكل ده، ودايماً محافظة على خصوصية حياتي الشخصية، بس لما الأمر يهدّد حياتي ومستقبلي والناس المحيطين بيا، فأنا مش قادرة الصراحة أسكت عنه... من ساعة ما أخدت لقب ملكة جمال ودخلت أول مسلسل ليا في التمثيل، وفي شخص اسمه بلال بيتابعني وبيكتبلي كومنتات غريبة جداً، يبان إنه مُختل، وفاكر إن هو "مودي" وأنا "لارا" ومصدّق ده من ضمن أحداث المسلسل".

وتابعت: "كنت باخد الموضوع بضحك زي أي معجب، لكن الموضوع أتطور لدرجة إنه بيعرف أنا موجودة فين ويجيلي المكان اللي أنا فيه، ومعاه خاتم ويقولي ده خاتم جوازنا!، الموضوع يبان كوميدي وبيضحك لأي حد مستمع وممكن الموضوع ميتصدّقش، إنما أنا عاملة سكرين شوت لكل كلامه واعترافاته بملاحقته ليا في الأماكن والتهديدات وأنا مصوّراه بموبايلي وهو قدّام عربيتي وبيهدّدني إن أي حد يقرب مني هيقتله".

منشور إيرينا يسري

إيرينا يسري: سأُقاضي هذا الشخص

وأضافت: "لدرجه إنه تعدّى على السوّاق الخاص بي بالضرب، وجري لما كنا هنكلّم الشرطة، أنا معرفش بيعرف الأماكن اللي أنا فيها إزاي، الموضوع وصل بيا إن من خوفي لما أشوفه قدامي بيغمّ عليا في الشارع... سوف أتخذ الإجراءات القانونية ضد الشخص ده بسبب تصرفاته غير السوية".

وفور نشر ملكة جمال مصر السابقة بيان الاستغاثة، تحركت الأجهزة الأمنية وتم ضبط المتهم، حيث تبين أنه عامل أجنبي يقيم في مصر، وبمواجهته بما جاء في البلاغ اعترف بارتكاب الواقعة المذكورة.