ابنة عبد الرحمن أبو زهرة تتحدث عن مواقفه الداعمة لها (فيديو)

خرجت مي ابنة الفنان الكبير عبد الرحمن أبو زهرة، في مقطع فيديو من البودكاست الخاص بها، والذي يحمل عنوان "افتح قلبك"، عبر حسابها الخاص على "فيسبوك" لتكشف تفاصيل الحالة الصحية لوالدها بعد الوعكة الصحية الشديدة التي لحقت به مؤخرًا، وأدت الى وضعه على أجهزة التنفس الصناعي وحجزه في غرفة العناية المركزة.

قالت مي أبو زهرة: "بابا في المستشفى يوم بيبقى كويس ويفوق ويكلمنا، ويوم تاني بيغيب عن الوعي تمامًا ومبيبقاش معانا خالص في الدنيا، بيبقى الصوديوم نازل والأكسجين نازل وبيتحط على جهاز التنفس الاصطناعي.. بندعي له ربنا يختار له الخير ويهون ويخفف عليه".

وتحدثت ابنة عبد الرحمن أبو زهرة عن والدها، كاشفة العديد من المواقف التي شعرت بها بحب والدها الكبير لها.

وقالت: "بابا هادي ومكنش بيوجهنا بشكل مباشر كتير ودايمًا سايبنا نختار الحاجة اللي إحنا شايفنها، مش هقدر أنكر إن اختياراتنا مكنتش بتبقى أفضل حاجة وأقول لو كان قالنا متعملوش كده مش هقدر أكون، حاجات كتير كانت اتغيرت لأنها كلها أقدار، ولكني مع أولادي بقيت أوجهم بشكل مباشر أكتر".

وأضافت: "بابا كان بيسيبنا على راحتنا ومكنش بيقول رأيه بشكل مباشر، كان بيعبر عن رأيه بشكل صامت، كان بيضحك ويهزر ولكنه عصبي وعرفت أحتويه من وأنا صغيرة علشان كده كان يقولي أنا بحبك أكتر من إخواتك".

ابنة عبد الرحمن أبو زهرة: اتخطبت وأنا 14 سنة وبابا لم يكن موافق

وعن موقفه من زواجها مبكرًا وطلاقها، علقت ابنة عبد الرحمن أبو زهرة قائلة: "اتخطبت وأنا عندي 14 سنة وبابا اتصدم صدمة عمره وقعد أسبوع باصص لي وميكلمنيش لأنه ماكنش موافق، كان عايزني أكمل تعليمي في فرنسا، وقالي مش هتتخطبوا إلا بعد ما تخلصي الثانوية العامة والليسانس، وللأسف أقنعناه بحاجة غير كده واتجوزت بدري، ولكني وعدته بأني هخلص الليسانس والدكتوراه وفعلًا عملت كده، ولما خدت الدكتوراه حضني حضن عمري ما هنساه في حياتي".

وأردفت: "حاول يقف معايا قبل طلاقي ويصلح ولما لقى إني مُصرة على الطلاق وقف معايا، ويوم الطلاق حصل شوية لغوشة فقالي اتنازلي عن كل حقوقك واخلصي بدل ما ندخل في قضية خلع واشتري دماغك، وبالفعل عملت كده وسافرت كندا وصرف عليا سنة أنا وأولادي بكل ما كنا نحتاجه".

واختتمت تصريحاتها قائلة: "بابا لم يدخر ولم يستثمر، وكان بيتبسط لما بيدي فلوسه للناس، أولاده وأحفاده والناس اللي بتشتغل معاه، لما تعبت وجالي اكتئاب مكنش مصدق إن حصلي كده لغاية ما ولادي والدكاترة شرحوا له جالي وقعد معايا بدون ما يناقشني في أي حاجة.. إحنا ممتنين أنه قعد وعاش معانا الفترات دي.