فتوح أحمد برد فعل صادم لحظة سماعه خبر وفاة عبد الرحمن أبو زهرة (فيديو)

حلَّ الفنان فتوح أحمد ضيفاً على برنامج "تفاصيل" الذي تقدّمه الإعلامية نهال طايل عبر قناة "صدى البلد 2"، حيث كشف تفاصيل عن حياته الشخصية، وذكرياته العائلية وبعض المواقف المؤثرة في حياته، مشيراً الى علاقته مع ابنته الوحيدة، ومؤكداً أنها تبتزّه ظنّاً منها أنه نجيب ساويرس.

وكشف فتوح أحمد أن لديه ابنة وحيدة اسمها فرح، حيث قال: "فرح دي بتبتزني وبتعاملني مليونير عشان مفيش غيرها، وبقولها يا حبيبتي أنا مش نجيب ساويرس، أيوه أنا مش نجيب يا حبيبتي، يا الحمد لله الحمد لله والله إحنا أحسن من غيرنا كتير، الصعايدة عموماً ما بيظهروش حنّيتهم، يعني بيبقوا جادين، وأنا بالنسبة لفرح مش عاوز أعلّقها بيا لأنها جات على كبر وأنا مش قاعد ليها كتير".

وأضاف: "أنا محبتش أربطها بيا، وحاسس إني مش هقعد معها كتير بالشكل ده، فبصراحة مش عايزها ترتبط بيا، عايزها تبقى قوية وتعتمد على نفسها عشان تقدر تكمّل، رغم إني مش خايف عليها، لأن عندي إخواتى وولادهم، العيلة عندنا كبيرة أوي، إحنا ما شاء الله تقريباً 600، الله أكبر، ليها عزوة وليها ضهر، وأنا معايا 11 أخ".

وتابع قائلاً: "عمرهم ما بخلوا عليا بحاجة، بس المهم إنك تفكّر في نفسك، إيه أكتر حاجة بتشغلك في المستقبل؟ بتخاف من إيه؟ النجاح إنك تبني نفسك باسمك، تعبك، ومسؤوليتك، دي كلها حاجات بتبيّن شخصية الإنسان".

صدمة فتوح أحمد على الهواء

وخلال اللقاء، انتابت حالة من الصدمة فتوح أحمد، فور سماعه بخبر وفاة الفنان عبد الرحمن أبو زهرة على الهواء.

وكانت نهال طايل قد تلقّت خبر وفاة عبد الرحمن أبو زهرة وهي على الهواء، لتنعاه قائلةً: "اسمحولي آخد خبر عاجل وهو وفاة الفنان الكبير عبد الرحمن أبو زهرة، ربّنا يرحمه هو فنان عظيم وقدّم أعمال مهمة"... ليردّ فتوح أحمد بدهشة وصدمة: "إيه مين؟ يا حبيبي لا حول ولا قوة إلا بالله".