سمية الخشاب تردّ على إعلامي انتقد دفاعها عن كلاب الشوارع

شن الإعلامي عبد الناصر زيدان حملة انتقادات شرسة ضد الفنانة سمية الخشاب بعدما أبدت استياءها من تكرار وقائع التعدي على الحيوانات في الشوارع، وذلك عقب انتشار واقعة متداولة بمنطقة القاهرة الجديدة، تضمنت اتهام أحد الأشخاص بوضع مواد سامة في طعام الكلاب الضالة ونقلها داخل سيارته.

وكتب زيدان، عبر حسابه الخاص على "فيسبوك" منشورًا يقول فيه: "إلى الفنانة والنجمة سمية الخشاب، الناس بتعاني، وكفانا كلاب شوارع يا سمية، إطعام الكلاب في الشوارع يا ست الكل غير مقبول".

وتابع: "بتحبي الكلاب، هاتيهم وحطيهم في حديقة منزلك وأكليهم ودلعيهم وربنا يكرمك بيهم".

وردت الخشاب على منشور عبد النناصر زيدان، بتغريدة وضعتها على حسابها بـ"X" قالت فيها: "اللي حافظ جملة وطالع يكررها أنت متعرفش أنا بأعمل إيه بس الحمد لله مش بيعدي يوم إلا لما باعمل اللي ربنا بيقدرني عليه وربنا هو المطلع وكله سلف ودين كفاية بقي جهل وعدم إنسانية وتوحش الكلاب أصلًا فيهم وفاء مش موجود في بعض البني آدمين".

سمية الخشاب تنتقد تسميم كلاب الشوارع

كانت سمية الخشاب قد كتبت على "X" تغريدة أبدت فيها استياءها من تكرار وقائع التعدي على الحيوانات في الشوارع، وذلك عقب انتشار واقعة متداولة بمنطقة القاهرة الجديدة، تضمنت اتهام أحد الأشخاص بوضع مواد سامة في طعام الكلاب الضالة ونقلها داخل سيارته.

وعبرت الخشاب عن غضبها قائلة: "لا بيرحموا ولابيسيبوا رحمة ربنا تنزل اللي بيحطوا أكل للكلاب في الشوارع غلطانين.. ليه إن شاء اللّه؟ علشان ده ضد طبيعتهم اللي هي الصيد هو إحنا عايشين في غابة حيصطادوا إيه وفين".

وتابعت: "حتى الزبالة مبقاش فيها أكل يسد جوعهم والله حرام وربنا حيخسف بيهم الأرض وحيفقرهم ويجوعهم حقيقي منتهي الجهل وقمة الوحشية رحمتك يارب".

واختتمت: "في تركيا الكلاب والقطط ليهم كل الاحترام وبيتعاملوا برحمة وحب محدش بيأذيهم ولا بيسمهم.. حاطين لهم مية وأكل قدام كل المحلات وعايشين وسط الناس بهدوء".