أبو الليف: شقيقي يريد أن يأخذ حقي في ميراثي

أطلق الفنان نادر أبو الليف استغاثة مؤثرة عبر حسابه الرسمي على موقع "فيسبوك"، كشف خلالها عن معاناته الطويلة في أزمة ميراث مع شقيقه، مؤكدًا أنه يقضي أكثر من عشر سنوات داخل أروقة المحاكم بسبب خلافات على شقة ورث، في أزمة وصفها بأنها استنزفته نفسيًا وإنسانيًا.

وقال أبو الليف في منشوره: "السلام عليكم.. عايز أعرف ليه الناس ضمايرها ونفوسها وأخلاقها وتربيتها اتغيرت من جواها.. كل واحد بقي يهمه نفسه فقط لاغير ومش مهم أي حد علي وجه الأرض.. كله بيقول يا نفسي وطظ في الآخرين، حتى للأسف الشديد أخوك ابن أمك وأبوك إللي نازل إنت وهوه من رحم واحد ومتربيين في بيت واحد عايز ياكلك ويدوس عليك وياكل ورثك ليه خلاص مبقاش في ضمير ونخوة ورجولة ودين ومبادئ وأخلاق ومراعاة للدم إللي بينك وبينه".

وتابع أبو الليف: "يا ناس قسمًا بالله الكفن مالهوش جيوب وهتنزل التربة مش معاك غير عملك مش هتاخد حاجة معاك فكر كدا لما تقابل رب كريم هتقوله إيه، هتقوله إنك كنت عايز تقتل أخوك علشان تورثه وللا هتقوله كنت عايز تاخد ورثه علشان إنت ظالم ومفتري وحقودي وجواك حقد وغل وكره لأخوك وللكون كله.. هوه حصل إيه في الدنيا يا ناس نفسي أعرف".

أبو الليف: محامي شقيقي يحفظ القضايا بطرق ملتوية

ووصف أبو الليف ما يحدث معه بسبب محامي شقيقه، قائلاً: "للأسف معاه محامي حسبي الله ونعم الوكيل فيه كل لما نرفع قضية يروح رايح المحكمة ويحفظها بطرق وبأساليب ملتوية بقالي أكتر من عشر سنين دايخين في المحاكم علشان نبيع شقة ورث وكل واحد ياخد نصيبه بما يرضي الله وللأسف المحاكم والقضايا إللي زي دي بتاخد سنين طويلة".

ووجّه أبو الليف رسالة لشقيقه قال فيها: "نفسي يفوق ويحس ويعرف إننا إخوات وعمر الدم ما يبقي مية لكن هوه للأسف الشديد ولا بيفكر ولا يهمه ولا شايف ولا سامع غير نفسه ومصلحته وطظ في أي حد.. ولو اتخذت أي شيء معاه للأسف الإعلام والصحافة مش هيسبوني وهبقي محتوي للخوض فيا ومتكتف ومش عارف أتصرف إزاي وأعمل إيه".

واختتم أبو الليف منشوره قائلاً: "وأتمنى أتمنى أتمنى أي مسؤول أو أي حد يرد عليا بحل سريع ينهي موضوع الورث إللي هوه حقي ومش عارف آخده من أخويا وربنا يهديه لنفسه ويتقي ربنا ويعطي كل واحد حقه بما يرضي الله أتمنى الرد.. ولكم جزيل الشكر.. نداء الى كل من يهمه الأمر من الجهات المعنية وكل عيد وأنتم بخير.