هند صبري تتحدث عن تأثير مواقع التواصل الاجتماعي على الفن (فيديو)

حلّت الفنانة هند صبري ضيفة على الإعلامي بلال العربي في أولى حلقات الموسم الثاني من برنامج On The Road، حيث تحدثت عن تأثير مواقع التواصل الاجتماعي وظاهرة دخول البلوغرز الوسط الفني، معربة عن استيائها بسبب مقياس عدد المتابعين بمواقع التواصل الاجتماعي، مقارنة بجماهيرية ونجومية الفنان، مستشهدة بمثال حول تعاونها مع الفنانة منة شلبي، وحنان ترك في فيلم أحلى الأوقات، موضحة أن ترك كانت أكثر نجومية وقتها.

وقالت هند صبري: "الناس بقت تشوف طرق أقصر كتير من أنك تشتغل وتحترم شغلك، السوشيال ميديا قصرت وسهلت الطريق لناس ممكن تكون مش أفضل ناس ولا نفسيات، المهن كلها اتغيرت مش مهنة الفن بس".

View this post on Instagram

A post shared by Rotana Cinema (@rotanacinematv)

هند صبري: حنان ترك كانت أقدم مني ولا يمكن أن أتساوى بها

وتابعت هند: "السوشيال ميديا خلت يبقى في عدم احترام لتاريخ وشغل الواحد، الروس اتساوت ودي مش حاجة حلوة، أنا ومنة شلبي نفس الجيل وتعبنا علشان نوصل، وكان في احترام غير طبيعي لأساتذتنا لو أكبر مننا بسنة، إحنا عملنا أحلى الأوقات مع حنان ترك كانت أقدم مننا ونجمة أكبر مننا أنا ومنة شلبي، هل ممكن نشوف إننا اتساوينا بحنان؟، مستحيل".

وأضافت: "النهاردة بقت أنا عندي متابعين أنتي مين؟ أنا تعبت علشان أوصل للي أنا فيه، احترام الوقت والمهنة والصناعة تلاشى شوية، وبقينا سمك لبن تمر هندي شوية".