تركي آل الشيخ بلفتة إنسانية تجاه فنان مصري

في لفتة إنسانية من المستشار تركي آل الشيخ، رئيس الهيئة العامة للترفيه بالمملكة العربية السعودية، رد على الشاعر والملحن نادر نور، موجّهاً له رسالة دعم، بعد الاستغاثة المؤثرة التي كشف خلالها عن معاناته في العودة الى الساحة الغنائية خلال السنوات الأخيرة.

وأعاد تركي آل الشيخ نشر رسالة نادر نور وعلّق عليها قائلاً: "أنت فنان كبير وأنا حابب أشتغل معاك".

وكان نادر نور قد كتب عبر حسابه على "فيسبوك"، منشورًا قال فيه: "بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بيها لأني ببساطة محتاج اللي يساعدني".

نادر نور: بعدي عن الوسط الغنائي لأسباب شخصية وليس كسلاً

وتابع نادر نور رسالته قائلاً: "وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من ٣ سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت أحس بالرفض وعدم التقبل وأنا مش متعود أزن على حد أو أطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري".