رنا سماحة: جيل كامل يعاني بسبب نجوم الغناء

دخلت الفنانة رنا سماحة على خط الجدل الدائر خلال الساعات الماضية، بعد الرسالة المؤثرة التي كشف خلالها الملحن والمطرب نادر نور عن معاناته في العودة الى الساحة الفنية، مؤكدة أن الأزمة لا تخص نادر نور وحده، بل تمثل معاناة جيل كامل من المبدعين الذين يصطدمون بغياب جهات الإنتاج وضعف الفرص المتاحة، بسبب عدد النجوم القليل الموجود على الساحة الغنائية.

وكتبت رنا سماحة عبر خاصية القصص المصورة الملحقة على حسابها الرسمي بـ"فيسبوك": "معلش ممكن أقول رأيى وبالمناسبة ده اللي بقالي سنين بنتع أنا وجيلي فيه، تعالوا نحسب كده في كم مبدع وقصادهم كم نجم موجود في السوق عنده إنتاج قوى هاااا حسيتوا بالفرق؟؟ الباقي بقى من أبناء جيلي المطحونين في الأرض اللي بنشتغل وبننتج لنفسنا هنقدر ندفع لحضرتك أجرك؟! طيب هل هتشتغلنا من غير ما تاخد أجر؟! طيب هنشتغل مثلاً إنتاج مشترك؟!! الإجابة لأ لا دي ولا دي ولا دي فهى مشكلة عامة يا جماعة".

منشور رنا سماحة

رنا سماحة لا أحد من النجوم يقف بجوار الجيل الجديد

وأضافت: "5000 مبدع بيبعتوا لـ 5، 6 في السوق من اللي هيدفعولهم سعرهم اللي مش هياخدوا أقل منه ولا حد فيهم عنده طاقة يقف جنب حد من الجيل الجديد اللي بيشقى وبيشتغل على نفسه بمقابل فتافيت لا تذكر يعنى إحنا بنصرف على الأغاني فلوس رايحة مبترجعش عشان بنحب شغلنا وعايزين نبقى موجودين، فالحل؟! في زمن مفيهوش جهات إنتاجيه واضحة وصريحة هل عندكم حلول ولا برضو هتفضلوا مستنين تشتغلوا مع الـ 5، 6 اللي أكيد في عندهم 5000 مسدج يومياً؟".

واختتمت: "هتكلم عن نفسى أنا كواحدة مطربة منتجة عايزة أفضل موجودة بشتغل مع الجيل الجديد اللي بيقبل بإمكانياتي المحدودة جداً وأعتقد كل شباب جيلي زيي يبقى يا ترى المشكلة فين؟".