ملحن شاب يوجّه انتقادات حادة لرامي صبري بعد حديثه عن قلة الإبداع (فيديو)

شنّ الملحن سامر أبو طالب حملة انتقادات وهجوم على الفنان رامي صبري، بعد تصريحاته الأخيرة بشأن المبدعين في عالم الموسيقى.

وظهر سامر في فيديو عبر حسابه الخاص في "فيسبوك"، وهو يقول: "بقالنا كام يوم، زمايلي الملحنين والشعراء حاسين إن في تجاهل، وطلعوا اتكلّموا وقالوا كلام من قلبهم، وأنا ضمّيت صوتي لصوتهم، والتجاهل هنا مش بنشحت من حد إنه يبص علينا أو يسمعنا، لأ، بنتكلم على إننا لما بنبعت لحد عارفنا ومسجّل رقمنا، وفي بينا قعدات واشتغلنا مع بعض وبينا نجاحات، وفكرة إنك متردش أصلاً مش حلوة في حقك كنجم أو صانع، ممكن تقول مش عاجبني أو أي رد عادي، ده تقدير منك".

وأضاف سامر أبو طالب: "بحب رامي صبري على المستويين الشخصي والفني، ومحدّش جاب سيرتك أصلاً لا من قريب ولا من بعيد، أنت من الناس اللي طلعت هاجمتنا وقلت معندناش جديد، لأ إحنا متطورين ومتجددين، وبشوف أنا نفسي متميز في حتتي وألحاني، أنت بس اللي مبتفتحش الشات عشان تشوف غيرك بعتلك إيه، قبل ما تتهمنا شوف بس".

سامر أبو طالب لرامي صبري: "محدّش جاب سيرتك"

واستكمل سامر حديثه قائلاً: "محدّش جاب سيرتك أصلاً لا من قريب ولا من بعيد، وأنت من الناس اللي مبتردّش ولا بتفتح الشات، وإحنا متطورين ومبدعين، وأنا اشتغلت مع نجوم كبار زي عمرو دياب وتامر حسني وتامر عاشور".

رامي صبري يثير الجدل بتصريحاته عن عدم وجود جديد

يُذكر أن رامي صبري أثار جدلاً كبيراً بعدما انتقد الكثير من المبدعين الذين اشتكوا من قلّة العمل، وقال عبر خاصية القصص المصوّرة الملحقة بحسابه الخاص في "إنستغرام": "عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة، مش عارف الناس متضايقة ليه من الاستوري بتاعتي رغم أنها حقيقة وأنا مش هعمل حاجة إلا لما تكون مختلفة وجديدة، والمشكلة إن المطربين مش كتير على عكس الشعراء والملحنين".