غادة عادل تعلن تفاصيل خضوعها لعملية تجميل وأسباب لجوئها إليها (فيديو)

خلال حلولها ضيفةً على برنامج "صاحبة السعادة" الذي تقدّمه الفنانة إسعاد يونس على قناة dmc، كشفت الفنانة غادة عادل للمرة الأولى عن تفكيرها في اعتزال الفن خلال الفترة الماضية؛ بسبب تليّف الفيلر الدائم في وجهها قبل خضوعها لجراحة تجميلية، كما تحدّثت عن لجوئها الى حقن المونجارو لإنقاص الوزن.

وقالت غادة: "فيه عمل معين عملته وحصل التليف بتاع الفيلر وقررت أعتزل لأني مش حابة أشوف نفسي ومش مبسوطة، وكنت هروح أعيش في الجونة لغاية ما عملت التجميل وفعلاً غيّر حياتي، واللي يقدر يعمل حاجة تبسطه ليه لأ".

وعن زيادة وزنها، علّقت غادة عادل قائلةً: "جالي اكتئاب إذا كان أنا مش قادرة أتفرج عليا أضايق الناس ليه؟، والناس كانت بتقول طول الوقت غادة جميلة، ولجأت لحقن المونجارو علشان أخسّ تحت إشراف طبيب وحالتي النفسية تحسنت ورجعتلي ثقتي في نفسي".

غادة عادل: قررت الاعتزال بسبب الفيلر

وكشفت غادة عادل عن تفاصيل خضوعها لعملية تجميل إثر تلقيها حقن فيلر دائم منذ عام 2007، بعدما أُصيبت بضرر بسبب تليّف الفيلر.

وقالت غادة: "الفيلر ده أوحش حاجة في الدنيا، أنا زمان سنة 2007 كنت بعمل مسلسل "قلب ميت" مع شريف منير، وكنت خاسّة أوي فالاستايلست قالت لي ننفخ شوية في الخدود ورحت وحقنت فيلر وحسّيت إن عندي نضارة والموضوع خلص".

وتابعت: "وبعدين قعدت فترة ألاقي حاجة طالعة في وشي فوق وبروح لدكاترة مش عارفين، رحت إنكلترا الدكتور سألني أنتي حاقنة فيلر؟، وكان عدّى 7 سنين وأنا مش فاكرة لأني كنت فاكرة أنه بيروح بعد 6 شهور وبقيت أحلف له إني مش حاقنة، وعملّي أشعة وورّاني الفيلر الدائم وأنا مكنتش أعرف، والدكتور قالّي يا نعمل عملية ونشيله يا نزقّه وقلت أهو تخنت أو خسّيت عندي خدود، لغاية ما حصل تليّف وبدأ يكبر ويتحرك من مكانه".

وأضافت: "عملت حاجة واحدة بوّظت حياتي، ومع الوقت والزمن انتهى خالص، وربنا ألهمني أني قابلت دكتور عنده ضمير فقالّي هشيلهم ولكن لازم أعملك شدّ وجه، والحمد لله إن متغيّرش حاجة في شكلي".