كيف دافعت غادة عبد الرازق وأحلام عن حذاء شيرين عبد الوهاب؟

دافعت الفنانة غادة عبد الرازق والمطربة أحلام عن شيرين، بعد الهجوم الضاري الذى شنه الجمهور الجزائري عليها، بعد أن ضغطت على زر الموافقة بحذائها لاختيار المتسابق ناصر الجزائري في برنامج "ذا فويس".

وقالت غادة لشيرين: "أنتى مش محتاجة تعتذرى علشان أحنا جمهورك متأكدين أنك متقصديش أى غلط فى حق حد ومتأكدين أنك عفوية وإنسانة طيبة جدا اللى بيهاجموكى دول إلى غيرانين منك ومن نجاحاتك سيبك منهم وركزى فى شغلك ونجاحاتك وبناتك وأهلك جمهورك إلى بيحبك وأنا واحدة منهم وكل سنة وأنتى طيبة حبيبتى".  

وقالت أحلام لـ شيرين: "أنا متأكدة وكلى ثقته أن لك جمهور كبير فى كل أنحاء الوطن العربى يحبك ويفهمك ويفهم طيبتك وقلبك الطاهر وأكيد بنعرف إنك مستحيل تقصدى الإساءة لأى حد فقط حماسك وتلقائيتك خانتك واصلى شرين وكلنا معاكى متسيبيش حد يحبطك ولا يضايقك كلنا تعرضنا لأشياء خانتنا وأنا أول وحده وقعت فيها أنا عن نفسى بحبك يا شيرين عبد الوهاب".

حتى الصفحات المصرية الكبرى على مواقع التواصل دافعت عن شيرين، فنشرت صفحة اساحبي المتخصص في انشاء الكوميكس الكوميدية تغريدة دافعا عن شيرين قالوا فيها : بغض النظر ان اللى شيرين عملته اتعمل فى نسخ كتير للبرنامج فى بلاد تانية ومش فضيحة ولا حاجة ولا حد طلع قالهم فضحتونا قدام العالم والجمهور هزر واتريق عليهم على النت، والموضوع عدى عادى جداً من غير ما حد يقولهم نسيت اصلك وكأن اصلها دة عيب مثلا انها كانت فقيرة وتعبت وكان عندها موهبة وقدرت توصل .. لا ازاى لازم تفضل فى اصلها حرام يعنى يتغير ".