استنكر الملحن المصري عمرو مصطفى، سخرية الفنان إلياس الرحباني من العندليب الأسمر عبد الحليم حافظ، خلال برنامج المواهب "ستار أكايمي".

وقال في مداخلة هاتفية مع الإعلامي سيد علي في برنامج "حضرة المواطن" المعروض على فضائية "العاصمة"، "في كثير من البرنامج اللي بتحب تعمل فرقعة إعلامية علشان الناس تتفرج على البرنامج لما نسب المشاهدة تقل واللي هيغلط فينا هنغلط فيه".

وأضاف "محدش يقدر ينزل من قامة الفنان عبد الحليم حافظ لأنها زي الأهرامات، بعت لأمير طعيمه وقولتله رد فقالي إن إلياس رجل كبير وحصل منه حاجات كتير خلال الفترة الأخيرة".

وأوضح مصطفى، "مش عايز أدخل الشعب اللبناني في هجوم مع المصريين، لأن أهداف هذه البرامج هي تفرقة الوطن العربي وليس تجميعه، غلط فردي لا يمكن أن نشعل بيه فتنة بين بلدين، واحنا عايزين نراعي السن بس".