وجه الإعلامي المصري باسم يوسف، للرئيس المصري عبد الفتاح السيسي رسالة مباشرة هي الأولى من نوعها، علق خلالها على أزمة أمناء الشرطة وبعض الأحداث التي شهدتها مصر في الفترة الأخيرة.

وقال على صفحته الرسمية على "فايسبوك": "سيادة الرئيس طبيب الفلاسفة عبفتاح السيسي: أصل حاجة من الاتنين: يا اما انت مسؤول مسؤولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده انها غبية لناس بتطلع تهفلط واسمهم لواءات لسياحة بايظة مرة عشان طيارة بتقع ومرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب ويقتل اجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل و الغباء و الغشومية".

وأضاف: "المهم يا سيات الرئيس نرجع لموضوعنا: يا اما انت مسؤول عن كل ده مسؤولية كاملة يبقى انت كده صاحبي وحبيبي وكفاءة وعرفنا المسؤول مين، يا اما انت مش مسؤول خالص وانت زيك زيينا بتتفرج ومش فاهم حاجة ومالكش لازمة زينا بالظبط وفي الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي؟".