بالفيديو - أحمد الفيشاوي يكشف اسم زوجته الخامسة وكيف شرح لابنته أزمة إثبات نسبها له

كشف الفنان أحمد الفيشاوي اسم زوجته المقبلة قائلاً: "ليلى هتكون الخامسة بعد فشل 4 زيجات متتالية، وأتمنى أن تكون الأخيرة وأجيب عيال كتير ومطلقهاش".

 وأضاف خلال استضافته في برنامج "معكم" الذي تقدمه منى الشاذلي، على قناة cbc،:"أنا معترف بفشلي في جوازاتي لكن مش هبطل أحاول.. وطول الوقت عندي أمل لأن نفسي يكون عندي أسرة.. والجواز قسمة ونصيب ومش معنى اني فشلت في 4 جوازات يبقى أنا فاشل، ولكن ربنا موفقناش، وانا عندي عيوب وانا بتعلم وبتطور أكتر".

وعن ابنته الوحيدة لينا، وأزمة اثبات زواجه من والدتها التي أثيرت في وسائل الإعلام قبل عدة سنوات، قال أن لينا سألته عن تلك الأزمة مرتين، و أنه روى لها بعض تفاصيل الموضوع بشكل مناسب لعمرها، وأضاف: "اتكلمنا في الموضوع ده مرة وهي عندها 5 سنين ومرة وهي عندها 8 سنين بشكل تقدر تستوعبه، وهي دلوقتي متعاملة مع الموضوع بشكل ناضج وأكبر من سنها، ودي حاجة تفرحني جدا… ولينا ماليه علينا حياتنا واحنا أصحاب أوي، ربنا يحفظها."

 

 

شارك