في الذكرى الثانية لرحيله: حسين الإمام نساه النجوم لكن هذا الشخص تذكره وكتب عنه كلمات مؤثرة لا تفوتكم

لم يتذكر أحد من النجوم الفنان الراحل حسين الإمام في الذكرى السنوية الثانية لرحيله، ولم يكتب أحد أي كلمات عبر حسابهم على السوشيال ميديا يتذكرون بها النجم الراحل، لكن شقيقه الموسيقار مودي الإمام، نعاه برسالة مؤثرة عبر صفحته الشخصية بموقع "فايس بوك".

ونشر صورة قديمة له برفقته وعلق عليها قائلًا: "تصدق؟ أنا لسة باحس وأنا باعدي الشارع ، إنك هاتاخدني من أيدي عشان أبقى في أمان و ماتوهش، لسة عاوز أحكي لك أنا قد إيه بقيت سباح ماهر، و عن الشجرة العالية اللي تسلقتها، و عن آخر حيلة علمتها لروي كلبنا، لسة حاسس إني محتاج أوريك قد إيه أنا عازف ماهر على الدرامز و البيانو، و الجيتار، و رسام ممتاز، زي ما علمتني."

وأضاف:"لسة مستني تزورني،عشان تعلمني چودو،و مصارعة روماني، و نغني سوا، و نضحك لما عينينا تدمع ... زي ما إتعودنا ، و لسة عاوز أطبخ لإثنين ، عشان لو اتصلت و زرتني ، ناكل سوا و ندردش، و نعزف و نغني، و لسة مستني رنة تيليفونك وسؤالك عن صحتي، و أحوالي بإلحاح ، زي عوايدك، و لسة حاسس إنك هاتزعق ، و تخلي بلطجية حوش المدرسة يجروا من قدامك زي الفراخ و أنا واقف جنبك ، قصير ، وفخور... مزقطط، و لسة عاوز أثبت لك قد إيه أنا بقيت قوي ، و ماهر ... و فاهم ... و شجاع ".

واختتم كلامه قائلًا: "ماعنديش شك إننا هانجتمع تاني، زي عوايدنا، وها نعزف سوا، و نغنى، و نضحك من القلب...كإننا روح واحد ، لكن له عقلين، و جسمين، كل سنة و إنت بكل خير و سعادة، يا أخويا الكبير الحبيب...يا حسين".

شارك