شنّت الفنّانة الشابة مرام علي هجوماً على الذين لم يعجبوا بإطلالتها الجديدة بعد أن ظهرت بإطلالة شبيهة بالنجمة اللبنانية مايا دياب، متسائلة عن حاجتها لأخذ الإذن منهم قبل ان تغير من مظهرها.

وشاركت الممثلة السوريّة صورةً عبر حسابها على تطبيق "انستغرام"، مكتوب عليها: "لكل يلي ما عجبو شكلي باللوك الجديد.. عفواً، يعني لازم اخد اذنكن بكل شي بعملو؟!!".

وأرفقت الصورة بتعليق جاء فيه: "مبلشين من مبارح كنتي احلا وكان وجهك بريئ وليش عملتي عمليات تجميل وليش بدك تقلدي مايا دياب .. انا ماعم قلد اي حدا كلو لانو صبغت شعري وحاطة ميك اب صرت عم قلدها بعدين يلي ماعجبوا مايعلق".

وأضافت: "يعني يا اما علق باحترام وقول رايك اذا عجبك يا اما اذا ما عجبك بلا اكل هوا ومسخرة وتعليقات بتسم البدن يعني احتفظوا برأيكون لحالكون مو حابة اسمعو!!".

وأردفت: "يلي قالوا انو كنت احلا وهلأ صايرة بشعة ومدري شو بحب قلكن انو هاد رايكن انتو!! وغير هيك اكيد الواحد مع السنين بيتغير شكلو اكيد مارح يضل متل ماهوة من خمس ست سنين".

وختمت: "هاد البوست بس للناس يلي بتتفزلك ويلي مو عاجبا اما حبايبي يلي بحبوووني بحب قلكوون انو انا بموت فيكن كمان وبتعليقاتكن الحلوة يلي متلكن"