سر غضب مي عزالدين .. ولماذا قالت "هاعتبره إمتحان"؟
مي عزالدين,المسلسل,إم بي سي,القناتين,الجماهيرية,جمهور
القاهرة (لها) 11 يونيو 2016
ابدت الفنانة مي عز الدين غضبها من عرض مسلسلها "وعد" حصرياً على قناة إم بي سي مصر 2.
وكتبت عبر حسابها الرسمي على فايسبوك قائلة : "أنا قضيت اليومين اللي فاتوا بحاول أطالب إدارة قنوات إم بي سي مصر بزيادة إعادة المسلسل وعرضه على قناة ام بي سي مصر كمان لأنه بيتعرض على إم بي سي مصر 2 فقط ودي ناس كتير مكانتش تعرفها ولا منزلاها."
وتابعت :" المسلسل الوحيد اللي من إنتاج شركة تابعة ليهم وبالتالي كان من المنتظر الإهتمام بعرضه على قنواتهم الإثنين ومع ذلك مش راضيين يخلوه بيتعرض على القناتين بتوع ام بي سي مصر وسايبينه على ام بي سي مصر 2 بس".
وأضافت: "في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف، يعني أنا كده مطلوب مني أقوم قناة لوحدي تمام وأنا بقول لام بي سي قبلت المسؤولية وبإذن الله ربنا يكرم والقناة والمسلسل يتشافو والحمد لله فيه علامات باينة من كم الإعلانات اللي جه من بعد أول حلقة للمسلسل".
وانهت كامها قائلة: "أنا هعتبره امتحان ليا يعرفني قدري عند الناس وهل فعلا بيحبو مسلسلاتي أولا ونسبة الجماهيرية اللي وصلتها أيه مع أني مهما كان ليا جمهور أكيد كنت أتمنى أني أتشاف من الناس اللي مش من جمهوري لأن ساعات بتكون كمشاهد ملكش في ممثل، لكن لو قابلت حلقة لمسلسله بالصدفه وعجبتك بتقرر تتابعه وده في الاخر بيبقى خلاني كسبت مشاهد جديد بقى بيحب يتفرج على أعمالي وده طبعا مش هيحصل السنة دي لأن مفيش حد بيبقى معدي وبيشوف القناه دي بالصدفة الناس لسه اصلا بتتعرف على طريقها من خلالنا وبينزلوها."