لم يتوقّع الشاب المصري محمد جيمي أنّ حلمه بلقاء الفنّانة المصريّة شيرين عبد الوهاب سيتحقّق بهذه السرعة.

فبعدما دعا نفسه للغداء في منزلها، قبلت شيرين اقتراح جيمي، وعلٌّقت: "أنت واضح أنك موهوب ولك مستقبل يا محمد.. وأنا قبلت عزومتك".

وبعد مرور حوالي 24 ساعة على انتشار فيديو محمد وهو يعبّر عن رغبته بلقاء حبيبة قلبه (بحسب قوله)، نشر الأخير فيديو جمعه بعبد الوهاب، وكتب: "بعد ٢٤ ساعه من الفيديو الكنت عاملوا لحبيبتي الفنانة الكبيرة شيرين عبد الوهاب بعبر فيه عن حبي ليها وعازم نفسي عندها على الغدا ردت عليا من على facebook انها قبلت عزومتي، بس مكنتش متوقع اننا نتقابل تاني يوم بسرعة كده!".

وأضاف: "انا كنت مرعوب من المقابلة دي ومش عارف رد فعلي هيكون ازاي او هقولها ايه، لما اتقابلنا لاقيتها اجمل انسانة شفتها في حياتي، استقبلتني استقبال كبير اوي فوق كل التوقعات، انسانة جميلة لدرجة اني لما قابلتها لقيتها فرحانة وملهوفة انها تشوفني يمكن زيي و اكتر."

وختم: "برغم مكانتها الفنية الكبيرة الا انها انسانة بسيطة جدا وتحسسك كده انها صحبتك او اختك او حبيبتك، دمها الخفيف كان بالنسبة لي زي مسكن كده خلاني اتماسك نفسي من كتر فرحتي الي كانت مخلياني متنح، شكرا شيرين على بساطتك واستقبالك ليا، شكرا شيرين على كلامك الحلو وتشجيعيك الكبير الي ألهمني في حياتي. شكرا شيرين عليىيوم من اجمل ايام حياتي. ودي حاجة متوقعة من فنانة وانسانة عظيمة زيّك، واهم حاجة مش عايز انساها شكرا على الطرابيزه الـ١٢ متر الي كان فيها البحر الاحمر كلو و٣ طن جمبري."