حادث أليم يُنسي مي كساب يوم وفاة والدتها... إليكم التفاصيل!

تعرضت فريدة طفلة الفنانة مي كساب التي لم تبلغ شهرها الرابع لكسر في عظمة الترقوة بسبب وقوعها عن الكرسي.

وعبرت الأم عن شعورها بالذنب واتهمت نفسها بأنها السبب غير المباشر للحادثة. وكتبت عبر خسابها على موقع «إنستغرام»: «ما كنتش عاوزه أكتب أي حاجة ولا أتكلم بس اتعودت إنكم جزء منى بافرغ اللي جوايا معاكم وبافرح بكلامكم الحلو اللى بيديني كل الطاقة الإيجابية اللي بتخليني قادرة أكمل فى الحياه. امبارح كان يوم وحش قوي أصعب من يوم وفاة أمي».

وأضافت: «امبارح كنت شايلة فريدة. مشيت بيها بالظبط متر من الريسيبشن للجنينة، كنت عاوزه أقعدها فى الشمس راحت أيد الكرسي مفكوكة ووقعت ع الأرض. عشت أسود يوم فى حياتي، كنت حاسة كأني مجرمة مذنبة، قلبي، مش قادرة أوصف عامل إزاي عينيه ما بتنشفش من الدموع عندها كسر فى عضمة الترقوة... دي هتستحمل إزاي هانام ازاي الليل هيعدي علينا إزاي بس ألف حمد وشكر لله...».