مي كساب تخرج عن صمتها وتكشف تفاصيل سجن زوجها: " سذاجته السبب"!

فيما لا تزال أزمة زوجها الفنان الشعبي "أوكا" المتهم بتزوير أوراق رسمية للتهرب من أداء الخدمة العسكرية، علقت الفنانة مي كساب على الأمر بكلمات صادقة.

ونشرت كساب على صفحتها على "انستغرام" صورة لزوجها وصديقة اورتيجا كتب عليها عبارة "مظلومين" وعلقت عليها قائلة: "كل اللي يعرفني من قريب يعرف كويس أني عمري ما كرهت حد ولا عمري أذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام".

وأضافت: "أنا مش مي أنا واحده تايهه مش لاقيه نفسها موت أمي كسرني ومن بعدها أحداث كتير قوي وجعتني القريبين مني عارفين أنا استحملت حاجات صعبه كتير أد إيه السنين اللي فاتت بس الصراحه ده أصعب موقف اتحطيت فيه من يوم ما اتولدت، مش عشان ده جوزي وحب عمري وإحساسي بعدم وجوده جانبي كأن روحي متاخده من جسمي، لا عشان متأكدة إنه مظلوم متأكدة إنه ضحيه طيبته وسذاجته وللأسف ضحيه تعليمه المتواضع الضحل، ضحية ثقته الزياده عن اللزوم في أي شخص يقرب منه ويضحك عليه ويقوله أنا هاعملك ويوعده وعود كدابه وفي الآخر يستغله ويورطه".

وتابعت: "طبعا لما باتكلم عن محمد كأني باتكلم عن أحمد كمان (اوكا واورتيجا) روح واحدة في جسدين ثقتي في رب العالمين كبيره جدًا أنه هينصرهم ويفك كربهم ثقتي في عداله القضاء العسكري كبيره أنه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم أقسم بالله العلي العظيم".