بالصورة - كندة حنا تشن هجوماً عنيفاً على هؤلاء الأشخاص بسبب صورة.. ما القصة؟

شنّت الممثلة السورية كندة حنا هجوماً عنيفاً على الصفحات الفنية، التي تنشر صورها وتعلّق عليها بطريقة مسيئة.

وكتبت حنا، عبر حسابها الرسمي على تطبيق "فايسبوك" ما يلي: "تجربتي كممثلة كانت تجربة صعبة مليئة مصاعب وتطلبت مني كتير من الجرأة لقدرت واجه بعض من عقد الحياة والمجتمع... المجتمع بكتير من الأحيان بضعف الامرأة وبقلل ثقتها بنفسها.. الامرأة لازم تكون طموحة بس بحدود.. الامراة لازم تكون ناجحة بس مو كتير مشان ماتهدد مكانة الرجال.."

وأردفت: "في كتير بنات وشباب بالمجتمع بكون محصورين بعقد المجتمع وماعم يقدرو يطلعو منها بصيرو بحابرو اي حدا قدر يطلع من هي العقد ويشتمو لانو ماحدا بيرضا يسبق حدا على النجاح. كتير صفحات على السوشال ميديا بتهاجم الممثلين او الفنانين او اي حدا مجرد يحسو بغيرة منو لانو مو متل مو مرسوم براسهن".

وختمت: "وبغض النظر اذا هاد الشخص عم يعمل شي حلو او بشع قبل ما نقيم اي شخص مو عاجبنا ومامنعرفو نحترمو لان منكون عم نحترم حالنا او اذا عنا مراية نطلع فيها ونحكي مع حالنا شوي ومين نحنا شو عم نعمل وبعدين نحكم على الآخرين لانو اغلب الناس لي عندها عمل وشغل بالحياة لايمكن انها تفكر بغيرها بس الناس الفاضية دائما هي سبب كل المشاكل وبتحاول تطلع كل عقدها على غيرها".