في أول أيام رمضان - نجل محمود عبد العزيز يتذكر والده برسالة مؤثرة

حرص "محمد"، النجل الأكبر للفنان الراحل محمود عبد العزيز، على تذكر والده بكلمات مؤثرة، مع حلول شهر رمضان المبارك، والذي يعد أول رمضان يمر عليه بدون والده.

 كتب محمد، عبر حسابه الشخصي على فايسبوك: "كل سنة وحضرتك طيب وبخير يا أبويا وصاحبي وأخويا وكل ما ليا، أول مرة في حياتى ماتكونش معايا وقدام عنيا طول المدة دى بس برضه كل سنة وحضرتك طيب لأنى حاسس أنك بخير وفى مكان أحسن من اللى إحنا فيه بكتير.. وعايز أهدى لحضرتك كل حاجة بعملها سواء إنتاج أو تمثيل أو أى حاجة كويسة ممكن اعملها وتبسطك وأى خير بعمله أو بحاول انى اعمله زى ما حضرتك علمتنى".

 وتابع: "السنة دى بهدى حضرتك صيامى وكل ركعة وكل حرف هقرأه من المصحف الشريف اللى حضرتك ماكنتش بتسيبه، ربنا يتقبل منى و يقدرني وابقى ربعك فى أى حاجة".

 واختتم نجل محمود عبد العزيز رسالته قائلا "رمضان كريم. كل سنة وحضراتكم جميعا بألف صحة وسلامة وخير و ربنا يريح قلوبكم ويشفى كل مريض ويرجع كل بعيد ويصبر أى واحد موجوع ويهون علينا جميعا يا رب بحق الشهر الفضيل...(اسألكم الفاتحة والدعاء لأبويا ولأمواتنا جميعا)".