بعد تعرضها للهجوم إبنة منتج "باب الحارة" تردّ بعنف وبفيديو أكثر جرأة... "مستواكم أعلى من كعب رجلي" و"حثالة المجتمع"

بعد تعرضها للهجوم بسبب نشرها مقاطع فيديو جريئة مع أحد الرجال، خرجت إبنة منتج "باب الحارة" الممثلة شمس الملا عن صمتها وردت بعنف على منتقديها.

وذكرت صفحة "دراما نيوز" على "فايسبوك" أن الملا نشرت فيديو أكثر جرأة من المقاطع السابقة وكتبت تعليقاً عليه: "للحملة أو الثورة أو أي تسمية أخرى طلعت على اللي عم يصير ضدي أو ضد لبسي أو أياً كان يكن السبب مين إنت أو إنتي يلي عم تنظروا؟ لأي مستوى من الفشل والفوضى واصلين له لحتى عم تلحقوني عالدعسة ومقهورين ومحروقين من أي خطوة لفوق بخطيها؟".

وأضافت: "هالكم الهائل من الكره و الحسد والعقد يلي مخزنة عندكن وعم تفجروها فيني برأيكن رح تسيء لإلي بأي طريقة؟ برأيكم مستواكم أعلى من كعب رجلي لما بتذموا وبتنتقدوا بطرق وسخة بتعبر عنكن من الداخل و الخارج؟ هل أنتم راضيين عن أنفسكم قبل ما تحكموا على غيركم؟ هل أنتم فعلاً شرفاء مكة؟ شو بيعطيكون الحق لتحكموا على غيركم بتسألوا حالكم هالسؤال؟ من أنتم؟ حثالة المجتمع هاد جوابي إلكن أنا واتذكروا منيح أنا ما عم بأذي حدا لما عبر عن شخصيتي وهويتي واسلوبي بالحياة".

وتابعت: "أنا ما عم بتعدى عليكم بل انتم من تختاروا إه تلحقوني فكم هالشي متناقد لإنزعاجكم؟ إذا مفهوم الـ blogging ما وصل لسا لعندكون فلا تتغابوا وتعلقوا لأنكن عم تضحكوني عليكم. برجع بقول ارتقوا وإذا ما بدكون ترتقوا فلا تلحقوا ناس أرقى منكون وتحاولوا تنزلوا منهن لأنكن غلطانين أنا فيكون عم إعلى بكرهكون ومحبتكون بذمكون ومدحكون".

وختمت: "عيشوا انبسطوا حبوا السعادة افرحوا لغيركون وادعموه بعض حاج ديقة عين حاج تخلف ورجعية حاج أمراض واستشراف وعقد نفسية. حاج انتوا يلي عم تقللوا من نفسكم ولكن عم تعلوا من شأني. وأكبر دليل الكم الهائل من المتابعين يلي ازدادوا من بعد ما صارت الحملة السخيفة ".