مطربة "ركبني المرجيحة" تهاجم متسابقة Arabs got talent: "إنت أتوبيس نقل"!!

بدون أي مقدمات أو أسباب قررت دالي حسن صاحبة أغنية "ركبني المرجيحة" شن هجوماً عنيفاُ على ميرنا مجدي، إحدى المشاركات ببرنامج "آراب غوت تالنت"، حيث سخرت من صورها وشكل جسدها الممتلئ بإعادة نشر صورة لها، والتهكم من وصف ميرنا نفسها بالفتاة النحيفة.

وكتبت دالي: "وكمان بتكتبي غلط اسمها رفيوعة ثانيا فين الرفع ده بقى ده أنتي شبه أتوبيس النقل بتاع الهيئة، مش هتعرفي تبقي سمبتيك زيي وتقلديني، موتي بغيظك مع اللي منفسنين مني".

ولم تقف ميرنا صامتة امام سخرية دالي منها وردت من خلال حسابها الخاص على "فايسبوك" قائلة: "هتموووت مني يا جماعة دوالي حسن دي منفسنة مني أوي، عارفين ليه عشان أنا نجمة ومشهورة وعايزة تكبر على قفايا".