لماذا قالت شقيقة أنغام: "هارفع قضية بدون تردد"؟

خرجت الفنانة الشابة غنوة محمد علي سليمان، شقيقة النجمة أنغام، عن صمتها بعد أن اختلط الأمر عند البعض بأنها أحيت حفل غنائي مع مدحت صالح في الاسكندرية، وتبين فيما بعد أنها لم تكن في الحفلة، وأن التي غنت مطرب أخرى.

تعرض غنوة لذلك الموقف، جعلها تخرج عن صمتها وترد على كل من يستغل اسمها، ويخوض في خلافاتها الأسرية مع شقيقتها أنغام.

وكتبت غنوة عبر حسابها الشخصي على فايسبوك، قائلة "مساء الخير عليكم.. بعتذر إن أنا هطول عليكم وياريت كله يقرا للاخر و يعمل شير، اولا انا متعودتش ارد ع حاجات كتير بتحصل بس الموضوع زاد عن حده ومش هسمح لحد يستغل اسم والدي وسمعته الفنيه طول مشواره ويتاجر باسمه وباسمي او بمشاكل شخصيه وعائليه انا حابه اشكر كل الناس اللي عرفت ان مش انا اللي كنت في الحفله ومقدره موقف الناس اللي متعرفنيش".

ثم تابعت قائلة "ياجماعه انا غنوه محمد علي سليمان وصوري مش مجهوله صوري قدامكم فبعد كده من اللحظه دي اي صحفي او اعلامي او متعهد حفلات هيستغل اسمي واسم ابويا ويستغل مشاكل عائليه ملوش ان حد يدخل فيها هرفع عليه قضيه بلا تردد".

واختتمت غنوة قائلة "محدش يفكر يحطني في مقارنه مع انغام لان انغام مطربه ليها اسمها ووزنها ومكانتها ومحدش يتقارن بيها والدليل اننا بنزل وبغني اغانيها بعيدا عن اي خلاف اسري فياريت محدش يحطني في اي جمله مفيده مع اي حوار بدووون علمي وللمره التانيه اي حد هيستغلني او يستغل مشاكل خاصه هقاضيه وشكرا ليكم واتمني تكونو مقدرين موقفي وتشيرو البوست ده اسفه للاطاله وشكرا لاي حد هيساعدني الكلام ده يوصل لكل الناس."

مقالات ذات صلة

فساتين أنغام خلال حفلاتها في متحف خاص عند سفح الأهرامات (فيديو)

أنغام تعلّق على هتاف الجمهور لها بـ"صوت مصر" وتطلب الدعاء لتامر حسني (فيديو)

غنوة محمد علي سليمان أنغام