بالفيديو - شذى رداً على انتقادات الجمهور للفنانين: "بنشتغل باليومية زيكم"

21 آذار 2020 | القاهرة (لها)

منذ تداول أخبار انتشار فيروس كورونا في مصر أخذ عدد من الفنانين على كاهلهم توعية جمهورهم ومتابعيهم بخطر الإصابة بالفيروس القاتل، إلا أن انتقادات كثيرة طالتهم عبر مواقع التواصل الاجتماعي، عقب حملات "خليك في البيت" التي تبناها كثير منهم، دعماً للإجراءات الاحترازية التي طالبت بها الدولة، للحد من انتشار فيروس كورونا.

تلك الانتقادات دفعت المطربة شذى للرد عليها في فيديو عبر حسابها على "إنستغرام"، قائلة: "لقيت هري وهبد على السوشيال ميديا وناس زعلانة إننا بنقول اقعدوا في البيت ويقولوا الفنانين مش حاسين بالناس واصرفو عليهم.. يا جماعة مش كل الفنانين زي اللي بتشوفوهم بيستعرضوا حاجتهم بدون ذكر أسماء وعندهم كام عربية وكذا فيلا.. لا في فنانين عاديين جداً وأنا منهم الحمد لله".

وتابعت: "مستوايا الاجتماعي كويس بعيداً عن الشغل خالص.. تقريباً مبكسبش من شغلي حاجة فظيعة.. بيتي إيجار عندي التزامات ومصاريف فإحنا لما بنقول اقعدوا في البيت فإحنا معاكم على فكرة.. أنتم مش هتقعدوا في البيت وإحنا هننطلق.. علشان خاطر الوباء ده مينتشرش.. فبلاش بقا موضوع ومين هيصرف ومين هيعمل.. ربك اللي بيرزقني وبيرزقك وبيرزق اللي مش لاقي شغل.. وأصلاً اللي هينزل يشتغل هيشتغل فين ما هو مش هيلاقي حد يشتغل معاه أو عنده لأن الناس المفروض تقفل ع بعضها".

واختتمت شذى حديثها قائلة: "بوجه كلامي للناس اللي بتكتب تعليقات مستفزة بلاش حكاية وانتوا مش حاسين بالناس لأن إحنا بنشتغل باليوم برضو على فكرة، إحنا لو معندناش حفلة النهاردة ولا فرح بكرا ولا مسلسل ولا فيلم ولا تصوير إحنا مش هنلاقي ناكل فإحنا زينا زي الأرزقي اللي بيشتغل باليومية".