أثار طفل لبناني ضجة كبيرة عبر مواقع التواصل الاجتماعي برسالة مؤثرة الى وزير التربية والتعليم مروان حمادة يشكو فيها من مديرة مدرسته.

وكتب الطفل هادي صالح على صفحة "فايسبوك" ما جرى معه في مدرسته، حيث قامت المديرة بالطلب من أهله نقله إلى مدرسة أخرى بسبب ما يعانيه من مشاكل صحية بسبب علاجه من مرض سرطان الدم.

وقال الطفل في رسالته: "برسم وزير التربية مروان حمادة، أنا هادي صالح، عمري 10 سنين، انا كان عندي سرطان بالدم بلش معي من اول مشواري الدراسي. وصلت للموت ورجعت بمعجزة من ربنا، بس يمكن بدي معجزة تانية ببلد متل لبنان لاقدر كفي تعليمي".

وأضاف: "المرض فلّ، بس تركلي ترقق عضم وتركلي اثار جانبية كتيرة. السنة الماضية وقعت وكسرت فكي وتكسرو سناني بوقت الامتحانات وما قدرت روح عالمدرسة. منشان هيك مديرة مدرسة المعارف (مدام فادية) في الفرزل قررت توضع حد لمشواري الدراسي، ورفضت تسجلني بالمدرسة انا دونا عن اخواتي، وبكل برود قالت لأمي (روحي سجليه بمدرسة فيها ولاد متله ) هيدا على اساس انا عامل ذنب ولازم يكون في مطرح مخصص للاطفال المذنبين ( نوع الجريمة سرطان)".

وتابع: "السنة الماضية كانت ايام تقللي ما تجي عالمدرسة بكرا، كإنو وجودي بيسببلها اشمئزاز. ولما كانت تنزعج مني تضربني على راسي. اذا انا مرضت شو ذنبي... بترجاك عمو الوزير... شيل الجلادين من المدارس نحنا اطفال حقنا نحب المدرسة.. حقنا نتعلم".