سافر

سافر عسَى ربي يحرْسك وياقاك

                          هذا البخت عزّاه وش في يديني

يا شين باكر يا حبيبي بليّاك

                          لَى جا وعدْك اللّي بوقته تجيني

لَى قمت أدوّج (1) في مداهيل (2) ماطاك

                          ياما جرَى بشهار(3) بينك وبيني

هذا وهو توّك تطرّى بممشاك

                          وش لون لَى قفّيت يانور عيني

يا شيب عينك يا هوَى البال ماشْقاك

                          كانك مثل ما ابيك يا اسمر تبيني

(1) أدوّج: أسير باحثاً.
(2) مداهيل: محلات، أمكنة.
(3) شهارْ: حي في مدينة الطائف السعودية.

مقالات ذات صلة

لا ترحلي

أحَبّ الناس

الأمير خالد الفيصل