لا ترحلي.. يا أغلَى ما عندي علَيْ
كوني معي.. شوفي وصوتي ومسمعي
الدّنيا من غيرك وهم
معزوفه مافيها نغم
إنت الحياه
إنت الهوَى
وانت الشّجن
إنت العشيره والوطن
وانت هلي
لا ترحلي

٭ ٭ ٭

تعالي
زفّي لي الفرح
داوي الفؤاد الّلي
انجرح
غنّي الاماني
ردّي زماني
تعالي بعيونك أشوف
واشكّل ألوان الظّروف
تعالي غنّي الحب
الّلي انتشَى منّي علَى دربك حروف
لا ترحلي
 

٭ ٭ ٭
 

ياواجد الشّوق
الّلي يسهّر ناظري
ياأعذب الذّوق
الّلي يزيّن حاضري
لا تبعد الفرحه
وانا لي بك نظر
لا تاخذ البسمه
من شْفاه العمر
تراي أنا.. مالي بعد شوفك صبر
لا ترحلي