أحمد حلمي يحدث ضجة برسالته المؤثرة لهذا الفنان ويقول: "مبروك يا أبويا"

حرص النجم أحمد حلمي على تهنئة الفنان القدير حسن حسني، بمناسبة تكريمه في مهرجان شرم الشيخ السينمائي.

ونشر النجم المصري صورة لحسني عبر صفحته على "فايسبوك"، وكتب: "مبروك حسن حسني.. حسن حسني في ناس بتقوله يا استاذ حسن وناس تقوله يا عم حسن وناس تقوله يا فنان وناس تقوله يا خال وناس تقوله يا بركة وناس تقوله يا حسن وناس تقوله يا متمكن وناس تقوله يا كبير ..وناس تقوله معلم".

وأضاف: "حسن حسني مشوار كبير من العطاء ما بين كوميديا وتراجيديا.. ساعدنا كلنا ووقف جنبا.. حسن حسني هو بهارات اي عمل فني يشترك فيه.. حسن حسني هو الايقاع في السينفونيه الفنيه.. هو الممثل اللي تعشق التمثيل معاه لانه بيشع طاقة وحيوية".

وتابع: "حسن حسني هو السهل الصعب الممتنع.. مبروك يا أبويا تكريمك في مهرجان شرم الشيخ السينمائي.. صحيح نسيت اقولكوا ان في ناس بتقوله يا أبويا.. وانا أولهم .. مبروك يا أبويا.. مبروك..".