حالة من الغضب إنتابت الفنان وائل عبد العزيز بسبب التعريف به في بعض وسائل الاعلام بجملة "شقيق ياسمين عبد العزيز"، إذ رأى أن الصحافة تتجاهل اعماله الفنية وتركز فقط على كونه شقيق ياسمين.

وكتب وائل في حسابه على "فايسبوك": "انا مش فاهم لحد امتى الصحافة والإعلام هتفضل تردد كلمة " شقيق كذا " اذا كان في لقاءات تليفزيونية أو حوارات صحافيه ... انا بشتغل بقالي سنين لوحدي تماما بعيدا عن اَي علاقات او وصاية عشان اثبت نفسي بنفسي .. والنجاح يجي من الشارع والجمهور يبقى له الرأي الوحيد فيا كممثل".

واضاف: "انا من انهاردة هقطع علاقتي باي شخص او صحيفة هتجيب سيرة اهلي في اَي حوار معايا، وتعب السنين الي فاتت مش هتيجي انت حضرتك تنسبه لأي شخص غيري .. ولو حضرتك كلمتني في يوم وذكرت اَي شيء خارج حدود شغلي هضطر أسفا انهي معاك الحديث نهائيا، والكلام على الملأ، وحضرتكوا ما شاء الله كلكم عندي .. شكرًا".

وتابع: "يا اخي كرهتوني انزل اَي صورة تجمعنا او شيء يخصنا".