شنت الفنانة وفاء عامر هجوماً على وليد فواز، وعبرت عن عدم إعجابها بالطريقة التي أعلن بها إنفصاله عن مي سليم، إذ وجدت أن فيها إساءة كبيرة لها.

وكتبت عامر تعليقا لوليد فواز عبر حسابه على "إنستغرام": "ميصحش. شيل البوست ده لإنه اساءة لك قبلها.. مفيش نصيب يبقى فيه زمالة واحترام ... البنت اشتغلت معايا في جبل الحلال.. بنت زي الفل وكل حد شتم عليها سلف ودين".

وفاء لم تكن الفنانة الوحيدة التي هاجمت وليد فواز، إذ شنّ عدد كبير من متابعيه هجوماً حاداً عليه، مؤكدين أن ما كتبه يسيء إليه كفنان وكرجل بسبب التشهير بمي.

وكان وليد فواز كتب: "قدر الله ماشاء فعل ..اللي حصل النهاردة ده تصحيح لوضع كان من الاساس غلط والحمد لله أنه تم دلوقتي مش بعد كدة".

وتابع بالقول: "ورغم أن كتير افتكروا اني اتسرعت في اعلان الخبر على السوشيال ميديا ..الا اني اتعودت اكون واضح مع نفسي وجمهوري اللي طلبت منه الدعاء بعد الضغط علي من قبل البعض وتصدير كم كبير من المشاكل، ولدرجة وصلت للتشهير بيا لاصرارى علي الطلاق".

وأضاف: "انا بعترف فعلا اني اتسرعت في الجواز وافتكرت للحظة أن الحب كاف لكن في الحقيقة الحب مختلف تماما عن الواقع".

وختم: "المرة الجاية حيكون اختياري قائم علي العقل اكتر من العاطفة علشان أعمل أسرة بجد اكمل بيها حياتي ..والحمد لله ان الجوازة لم ينتج عنها ابناء ربنا يوفق الجميع والله المستعان".