كشف المطرب إيساف عن خضوعه لعملية جراحية عاجلة في الفم بعد ظهور خراج به.

وكتب في حسابه على موقع "فايسبوك": "الصحة تاج على رؤوس الأصحاء.. انا لسة خارج من المستشفى، كنت بعمل عملية غريبة جداً، خراج في شفايفي. من برة ألم فظيع عمري ما حسيته قبل كده، مع أني ياما عملت حوادث وياما حصلي، بس ده كان أقوى ألم لأحس بيه، ده غير شكلي اللي اتغير خالص وباظ وورم بُقّي وشي كله ورقبتي وغير شكلي".

وأضاف: "كله والدنيا كلها هانت بالنسبالي في التمني بعدم الاحساس بالألم وبأن شكلي يرجع تاني.. كل اللي عايز أقوله إننا في نعمة كبيرة أوي أوي والله لازم نشكر ربنا عليها، وهي الصحة. مهما كنت ولا كنتي ولا كنا بنقابل من مشاكل في الحياة قول الحمدلله على الصحة دي نعمة كبيرة اوي".

وختم: "دي تجربة انا مريت ولسة بمر بيها لحد دلوقتي وحبيت انقل لكل صحابي إيجابيتها، وده دورنا وحقنا على بعض بنحاول كل شوية حد فينا يفكرنا ويفوقنا من غرور الدنيا وبنرجع تاني انا عارف لأننا بني أدمين بس برده ربنا من رحمته بيبعتلنا اللي يفوقنا تاني".