نفت الفنانة لقاء سويدان ما تداواته بعض المواقع الإخبارية حول اعتزالها الغناء والتفرغ للتمثيل، معربة عن ضيقها من تلك الأخبار الكاذبة، ومؤكدة أنها "مش هتقدر تبطل غناء".

وأضافت، في لقاء مع فضائية "الحياة" أن "الغناء حاجة جوايا، ومقدرش أبطله، وخبر اعتزالي ضايقني، وأنا نادرًا لما بتضايق من الحاجات اللي بتتكتب عني".

وأعلنت أنها، على العكس من تلك الأخبار، تحضر للعودة قريباً إلى الغناء، مضيفة: "واخدة وقت لأنه صعب يبقى الناس تبقى حاباني في التمثيل ويبقى لي شكل ووجود معين، فصعب ألقى حاجة تعجب الناس وترضيهم".

وكشفت عن عمرها الحقيقي قائلة: "عندي 44 سنة، وناس كتيرة تعرف سني لأنهم شافوني وأنا طفلة، وفي الخارج فيه اللي بيعدي الستين والسبعين بيتجوزوا وبيعيشوا حياتهم الطبيعية وكل مرحلة لها طبيعتها".

وأضافت ساخرة: "أنا قربت أتحنط، ومعنديش مشكلة وبعيش أجمل فترات حياتي، وانا أهتم بصحتي وبغذائي".