أول تعليق من المعجب الذي أحرجه عمرو دياب بقوله: "مش عاجبك ما تسمعنيش"

القاهرة (لها) 20 أكتوبر 2018

شن عدد كبير من رواد موقع "فايسبوك" هجوماً حاداً على النجم عمرو دياب بعد تداول مقطع فيديو له خلال حفلته الأخيرة، وهو يحرج شاباً طلب منه تقديم أغنية "قال فاكرينك"، حيث رد عليه "الهضبة" قائلاً: "والله ما هقولها. ...إنت لو قعدت 100 سنة تطلبها والله ما هقولها".

لكن الشاب قرر الكشف عن تفاصيل هذه الواقعة من خلال حسابه على "فايسبوك"، وكتب: "انا عمرو وائل، بتاع حوار قال فاكرينك إمبارح. اللي حصل ان انا واتنين صحابي قعدنا نقول قال فاكرينك، فقالي يا عم مش هغنيها، انا لو عايز كنت نزلتها في الألبوم، انت مش هتمشيني علي مزاجك، لو مش عجبك متسمعنيش. فضحكت و قولت اسف، راح ضحكلي وقالي: ايوة كدة".

وأضاف: "انا مش زعلان منه لان هو كان بيهزر وكل الناس عارفة ان هو كان بيهزر معانا، وانا مش زعلان، انا اصلا بحبه جدا والله، وطلبتها مرتين بس، والناس كلها بتهبد، اللي حصل ان هو كان بيهزر اصلا، وكان بيضحك وهو بيتكلم".

وكان انتشر مقطع فيديو للنجم المصري من حفله الاخير وهو يقول لأحد المعجبين: "إنت هتمشيني على مزاجك؟ مش عاوزها، إنت غريب أوي... لو كنت عاوزها كنت نزلتها في الألبوم، وأنا مش عاوزها. مزاجي مش عاجبك ما تسمعنيش".

وأثار رد عمرو دياب جدلاً كبيراً، وعبر البعض عن رفضه لإسلوبه في التعامل مع الجمهور، إلا أن من يعرفه جيداً ويتابع حفلاته يتأكد بأنه يمازح دائماً جمهوره بهذه الطريقة المحببة والتي يتقبلها منه الجميع برحابة صدر.