مفاجأة صادمة وراء إلغاء زفاف نجم "آراب أيدول".. إهانات وصراخ وايصالات أمانة

تداول عدد من رواد موقع "فايسبوك" منشوراً لفتاة تدعى لينا كانت ضمن المدعوين في حفل زفاف محمد رشاد ومي حلمي قبل إلغائه بساعتين.

وكتبت "شهادة حق بالنسبة لموضوع مي حلمي و محمد رشاد، انا كنت في الفرح علشان انا شايفة ان الناس بدأت تشتم وكده والموضوع دخل في عدم احترام، اللي حصل فعلا ان مي تطاولت على محمد واهله. انا كنت سامعة وكان صوت مي مسمع الناس كلها بره. حتى الصحافيين واقفين بيقولو في ايه".

وتابعت: "ولما روحت لقيت انهم واخدين محمد الغرفة، وكانت هي ومامتها وأختها وصحبتها بس علشان فعلا يمضوه على إيصالات أمانة ويحطوه قدام الامر الواقع قبل كتب الكتاب. ولما محمد رفض الاسلوب، فضلت تزعق، وخاله توجه نحوه عشان يهدي الموقف، ولكنها رفضت تفتحله الباب واهانته، ففتح محمد الباب لخاله وأخده ودخل غرفته".

وأضافت: "هي راحت وفضلت تزعق وهانت خاله و اهله قدام كل الناس.. محمد قرر ياخد اهله بعد الاهانات دي ويمشي، وقرر يلغي الفرح. هي راحت علشان تلبس وتحطهم قدام الامر الواقع، بس كان محمد مقرر ان الموضوع انتهى خلاص.. انا ممشتش وفضلت لحد الساعه 10 هناك بس كل حاجة كانت خلصت خلاص ".

واختتمت حديثها قائلة: "الشتيمة و الحسبنة اللي عليه دي حرام، نعرف الحقيقه الاول واحكموا، عيب اوي ارتقوا ربنا يصلح الحال ويكتب الخير لكل الناس".

مصدر مقرب من نجم "آراب أيدول": هذا هو السبب الحقيقي لإلغاء زفافه!